• पर्दाफास कालो कर्तुतको, जहा अत्याचार, त्याहा खबरदार  सत्य ओकल्ने हाम्रो प्रयास  निरन्तर मोफशलबाट खबरदारी  फोकश न्युज ।
  • Radio Himshikhar
News Updates
  • झापाको दमकमा १२ हजार बढी बालबालिकाले लगाए कोरोना विरुद्धको खोप
  • आज सुनको मूल्य घट्यो, तोलामा २ सयले घटेर ९२ हजार ५ सय रुपैया“मा कारोबार ।
  • आज विश्व क्यान्सर दिवस, क्यान्सरको उपचारमा पहुचको दूरीलाई बन्द गरौ’ भन्ने नाराका साथ दिवस मनाइदै ।
  • सोलुखुम्बुको सल्लेरी लगायतका क्षेत्रमा भारी हिमपात, सडक सञ्जाल ठप्प ।
  • काठमाण्डौ उपत्यकासहित देशभर बर्षा, पहाडी तथा हिमाली भेगका केही ठाउमा हिमपात
राष्ट्रिय
रुपा सुनार प्रकरण: शिक्षामन्त्रीलाई मानव अधिकार आयोगको स्पष्टिकरण
प्रकाशित मिति: बुधबार, आषाढ १६, २०७८

राष्ट्रिय मानव अधिकार आयोगले शिक्षा मन्त्री कृष्ण गोपाल श्रेष्ठलाई स्पष्टिकरण सोधेको छ ।सञ्चारकर्मी रुपा सुनार प्रकरणपछि विवादमा तानिएपछि मंगलबार आयोगले कार्यालयमा बोलाएर स्पष्टिकरण सोधेको हो । बहालवाला मन्त्री नै जातिय छुवाछुत जस्तो कार्यमा संलग्न भएर घटनाको अनुसन्धान नै प्रभावित पारेको भन्दै आयोगले स्पष्टिकरण सोधेको हो ।

आयोगका सह–प्रवक्ता लोकनाथ बाँस्तोलाले आयोगमा पुगेका मन्त्री श्रेष्ठले गल्ती स्वीकार गरेको बताए । आयोगले यसबारे विज्ञप्ति जारी गरेर विस्तृत जानकारी दिने तयारी गरेको छ ।जातका कारण डेरा नदिएको आरोपमा बबरमहलकी स्थानीय सरस्वती प्रधानलाई रुपा सुनारको उजुरीको आधारमा प्रहरीले पक्राउ गरेको थियो ।

तर, सरकारी वकिलको कार्यालयले प्रमाण नपुगेको भन्दै मुद्दा चलाउन अस्वीकार गरेपछि प्रधानलाई असार ९ गते थुनामुक्त गरेको थियो ।थुनामुक्त भएकी प्रधानलाई मन्त्री श्रेष्ठले बा १ झ ८७६३ नम्बरको आफ्नै गाडीमा चढाएर बबरमहल छाडेका थिए ।

Comments