• पर्दाफास कालो कर्तुतको, जहा अत्याचार, त्याहा खबरदार  सत्य ओकल्ने हाम्रो प्रयास  निरन्तर मोफशलबाट खबरदारी  फोकश न्युज ।
  • Radio Himshikhar
News Updates
  • झापाको दमकमा १२ हजार बढी बालबालिकाले लगाए कोरोना विरुद्धको खोप
  • आज सुनको मूल्य घट्यो, तोलामा २ सयले घटेर ९२ हजार ५ सय रुपैया“मा कारोबार ।
  • आज विश्व क्यान्सर दिवस, क्यान्सरको उपचारमा पहुचको दूरीलाई बन्द गरौ’ भन्ने नाराका साथ दिवस मनाइदै ।
  • सोलुखुम्बुको सल्लेरी लगायतका क्षेत्रमा भारी हिमपात, सडक सञ्जाल ठप्प ।
  • काठमाण्डौ उपत्यकासहित देशभर बर्षा, पहाडी तथा हिमाली भेगका केही ठाउमा हिमपात
मोफसल समाचार
कमल र झापा गाउँपालिकाले आफ्ना नागरिकको बिजुलीको बिल तिरिदिदै
प्रकाशित मिति: मंगलबार, आषाढ १५, २०७८

झापाका दुई गाउँपालिकाले आफ्ना नागरिकको बिजुलीको बिल तिरिदिन बजेटमा रकम छुट्याएका छन् । कमल र झापा गाउँपालिकाले आर्थिक वर्ष २०७८÷०८९ को बजेटमा बिजुलीको बिल तिर्ने व्यवस्था गरेका हुन् ।

झापा गाउँपालिकाले २० युनिटभन्दा कम विद्युत् खपत गर्ने पालिका भित्रका सबै नागरिकको शुल्क तिरिदिने अध्यक्ष जयनारायण साहले हिमशिखर टिभीलाई बताउनुभयो । विद्युत् शुल्क तिरिदिनका लागि पालिकाले नवौँ गाउँसभाबाट २० लाख रुपैयाँ बजेट विनियोजन गरेको उहाँले जानकारी दिनुभयो ।

गाउँपालिकाले गर्भवतीलाई झापा जिल्ला भरिका अस्पताल सम्म लैजान निःशुल्क एम्बुलेन्स सेवा प्रदान गर्ने समेत बजेट मार्फत घोषणा गरेको छ । यसका लागि पालिकाले पाँच लाख रुपैयाँ रकम विनियोजन गरेको छ ।

यसैगरी कमल गाउँपालिकाले आउँदो आर्थिक २०७८÷०७९ को बजेटबाट कृषकहरुले सिँचाइमा खपत गरेको बिजुलीको बिल तिरिदिने भएको छ । फागुन, चैत, वैशाख र जेठ महिनामा खेती गर्दा सिँचाइमा लागेको चार महिनाको बिजुलीको बिलको ५० प्रतिशत रकम गाउँपालिकाले तिरिदिने गाउँपालिकाका अध्यक्ष मेनुका काफ्लेले हिमशिखर टिभीलाई बताउनु भयो ।

आकाशे खेतीमा निर्भर किसान र व्यावसायिक खेतीमा लागेका आधुनिक कृषकलाई प्रोत्साहित गर्ने उद्देश्यले किसानको बिजुलीको बिल तिरिदिने गरी बजेट व्यवस्था गरिएको अध्यक्ष काफ्ले बताउनुभयो ।

Comments