• पर्दाफास कालो कर्तुतको, जहा अत्याचार, त्याहा खबरदार  सत्य ओकल्ने हाम्रो प्रयास  निरन्तर मोफशलबाट खबरदारी  फोकश न्युज ।
  • Radio Himshikhar
News Updates
  • नेपालमा आज ११ हजार ३ सय ५२ जनामा कोरोना संक्रमण पुष्टि ,थप ४ जनाको मृत्यु
  • अस्ट्रेलियामा कोरोनाका कारण स्थिती भयावह,एकै दिन ७६ जनाको मृत्यु भएपछि ३ राज्यमा आपतकाल घोषणा
  • मेची राजमार्गमा यातायात सञ्चालमा सकस,भत्कीएको सडक सञ्चालनमा आउन तिन महिना लाग्ने
  • हिमशिखर टेलिभिजन आजबाट १२ औ वर्षमा प्रवेश, अझ परिस्कृत र जिम्मेवार भएर अघि बढ्ने प्रतिबद्धता
  • बढ्दो कोरोना सङ्क्रमणका बिच जिल्ला प्रशासन कार्यालय मोरङमा सेवाग्राहिको भिड उच्च
खेलकुद
नेपाल सुपर लिग:विराटनगरले धनगढीलाई ३-० गोलले हरायो
प्रकाशित मिति: आइतबार, बैशाख १२, २०७८

१२ बैशाख, झापा ।  विराटनगर सिटी एफसीले नेपाल सुपर लिग एनएसएलमा धनगढी एफसीमाथि शानदार जित हात पारेको छ ।

त्रिपुरेश्वरस्थित दशरथ रंगशालामा आइतबार भएको खेलमा विराटनगरले राष्ट्रिय टिमका कप्तान किरण चेम्जोङको कप्तानीमा रहेको धनगढीलाई ३–० गोल अन्तरले पराजित गरेको हो ।

बलियो मानिएका दुई टोलीबीचको खेलमा विराटनगर अब्बल देखियो ।धनगढीले किरणलाई आइकोनिक प्लेयर र ओलावाले आफिजलाई विदेशी कोटामा टिममा राखेको थियो । तर दुवै खेलाडीको प्रदर्शन सोचे अनुरुप हुन सकेन । पहिलो हाफमा एक गोल गरेको विराटनगरले दोस्रो हाफमा दुई गोल गर्‍यो ।

१५ औं मिनेटमा विक्रम धिमालले गोल गर्दै विराटनगरलाई अग्रता दिलाएका थिए । ४४ औं मिनेटमा विराटनगरको सुनिल बलको फ्रिकिक धनगढीका किरण चेम्जोङले बचाएका थिए ।

५४ औं मिनेटमा नीरकुमार राईको पासमा एडालाजा सोमिडेले गोल गर्दै विराटनगरको अग्रता दोब्बर पारे । ६९ औं मिनेटमा सन्तोष तामाङले सुनिल बलको पासमा गोल गर्दै विराटनगरलाई ३–० को अग्रता दिलाए ।

धनगढीले भने खेलमा खासै राम्रो अवसर बनाउन सकेन । पहिलो हाफमा दर्शन गुरुङको फितलो प्रहार विराटनगरका गोलकिपरले बचाए । यस्तै टंक बस्नेतको प्रहार पोष्ट बाहिर गएको थियो ।इन्जुरी समयमा ओलावाले आफिजले पेनाल्टी बक्सबाट हानेको हेडर पोष्ट नजिकैबाट बाहिरियो । जितपछि विराटनगरले ३ अंक जोडेको छ ।

Comments