• पर्दाफास कालो कर्तुतको, जहा अत्याचार, त्याहा खबरदार  सत्य ओकल्ने हाम्रो प्रयास  निरन्तर मोफशलबाट खबरदारी  फोकश न्युज । सुदिप अधिकारकिा साथमा ।
  • Radio Himshikhar
News Updates
  • थाइल्याण्डमा देशभर संकटकालको घोषणा, विपक्षी नेताहरुद्वारा भने बिरोध प्रदर्शन जारी ।
  • बैदेशिक रोजगारीबाट फर्किएका युवालाई व्यवस्थापन गर्न चुनौती, धनकुटामा भने युवालाई कृषिमा आकर्षीत गरिदै, व्यवस्थापनको आशा जाघ्यो ।
  • न्यूनतम स्वास्थ्य सुरक्षाको मापदण्ड नअपनाउनेमाथि प्रहरीको कडा एक्सन, ईटहरीमा ठाउँको ठाँउ कार्बाही, सचेत गराउँदै प्रहरी ।
  • निर्माण भएको वर्ष दिन नवित्दै ओखलढुङा रुम्जाटार खडक जिर्ण, दुर्घटनाको जोखिम उच्च, निर्माण कम्पनीलाई पुनः मर्मत गर्न दवाब ।
  • चाडवाडका मुखैमा भिडभाड हुने सिमापारीका बजार सुनसान, झापाका ठुला बजारमा समेत छैन चहलपहल, सबैतिर संक्रमणकै त्रास ।
राष्ट्रिय
यस वर्षको दिव्य पुरुषोत्तममास आजवाट बिधिवत समापन हुँदै
प्रकाशित मिति: शुक्रबार, आश्विन ३०, २०७७

यस वर्षको दिव्य पुरुषोत्तममास आजवाट बिधिवत समापन हुँदै छ। मलमासको अन्तिम दिन पुरुषोत्तम अर्थात् भगवान् नारायणको विशेष आराधना गर्ने परम्परा रहेको छ।

पौराणिक कथन अनुसार स्वामी विहिन अधिकमास दुःखी भएर भगवान् विष्णुको सरणमा पुग्यो र आफ्नाे दुःख बिसायो । भक्तवत्सल दयासागर श्रीविष्णुले उसलाई सान्त्वना दिँदै भन्नुभयो "अबदेखि म तिम्रो स्वामी भएँ र मेरा सबै दिव्य गुण तिमीमा प्रविष्ट हुनेछन् । यस ब्रह्माण्डमा पुरुषेत्तमका नामले जसरि म प्रसिद्ध छु त्यसैगरी आजदेखि तिमी पनि पुरुषोत्तम नामले प्रसिद्ध हुनेछौ। आजदेखि तिमी मलमास , अधिकमास नभएर पुरुषोत्तम मासका नामले प्रख्यात हुनेछौ । यसका साथै तीन तीन वर्षमा हुने तिम्रो आगमनमा जसले श्रद्धाभक्तिपूर्वक मेरो आराधना गर्छ त्यसको जन्मजन्मान्तरका पाप भुटिएर जान्छन् ।" यसरी परमात्मा पुरूषोत्तमले अधिक वा मलमासलाई पुरुषोत्तम मासको उपाधि दिएर धर्मकर्मको लागि उपयोगी बनाइ शुभकामना भयो ।

अधिकमास परेकाले असोज महिना भरि नित्य कर्म गरिए पनि कुनै कामना राखेर गर्ने कर्म भने भएन । आजबाट राति कामना राखेर गरिने कर्म गर्ने बाटो शास्त्रीय रुपमा खुलेको छ। अधिकमासको समाप्ति संगै भोलिबाट नेपालिहरूको घटस्थापना सुरू हुने भएको छ। नौरथामा नौ दिनसम्म दूर्गा भवानीको पूजा उपासना गरिन्छ ।

हिन्दू धर्मावलम्बी भक्तजनहरुले यी नौ दिनमा आफ्नो घरमा घटस्थापना गरी अखण्ड ज्योति स्थापना गरेर नौ दिनको उपवास राख्दछन्। भोलि घटस्थापना गर्नका लागि शुभ साहित ११:४६ को रहेको छ। भोलि नौरथाको पहिलो दिन जगदम्बा भगवती स्वरूपा शैलपुत्रीको पुजा गरिदैछ।

Comments