• Radio Himshikhar
  • kankai Bikash Bank
News Updates
  • धनकुटामा बडा अध्यक्षले तिरिदिए विद्यालयको ऋण
  • सौठामा अस्पताल भवन शिलन्यास
  • दूधमा चितवन आत्मनिर्भर जिल्ला बन्दै
  • कानूनी राय लिन सभामुख महराको सुझाब
  • सिजुवाबजार बाट कादुपाडा जोडने सडक कालोपत्रे हुने
राष्ट्रिय
३ लाख पुरस्कार राशिकाे हिमशिखर डान्स आइडल सिजन २ हुने (रिपाेर्ट सहित)
प्रकाशित मिति: आइतबार, पौष १, २०७५

दमक । हिमशिखर टेलिभिजनले खुल्ला नृत्य प्रतियोगिताको आयोजना गर्ने भएको छ । हिमशिखर मिडिया प्रा.लि.को आयोजनामा यही पौष २ गतेदेखि खुल्ला राष्ट्रव्यापी सिंगल, डबल र ग्रुप नृत्य प्रतियोगिता २०७५ को अडिसन सुरु हुने भएको छ ।

हिमशिखर डान्स आइडल सिजन २ नाम दिईएको कार्यक्रम बारे टेलिभिजनले पत्रकार सम्मेलन गरि कार्यक्रम बारे जानकारी गराएको हाे । कार्यक्रमका निर्देशक श्रीगणेश शर्माका अनुसार अडिसनका कार्यक्रम पौष २ गते देखि पौष २९ गतेसम्म हुनेछन् ।

पौष २ गते सोमवार बृटिस गोर्खा सामुदायिक भवन धरानमा पहिलो अडिसन हुँदैछ भने क्रमशः पौष ५ गते विहिवार किरात राई यायोक्खा भवन, इटहरीमा, पौष ७ गते शनिवार मारवाडी सेवा सदन विराटनगरमा, पौष ९ गते सोमवार इन्द्रपुर जेसिज, विराटचोकमा, पौष ११ गते बुधवार अग्रसेन भवन विर्तामोड, पौष १५ गते आइतवार होटल ग्रिन भ्यु इलाम र पौष २९ गते आइतवार, मारवाडी सेवा समितिको भवन दमकमा अडिसन हुदैछ ।

अडिसनका प्रतिष्पर्धीले आफू जहाँ भएपनि पायक पर्ने जुनसुकै स्थानबाट अडिसन फारम भर्न र निवेदन दिन सक्ने प्रावधान छ । आइडलका विजेतालाई प्रथम पुरस्कार स्वरुप ३ लाख र  दोस्रो पुरस्कार  १ लाख रुपैयाँ प्रदान गरिने हिमशिखर मिडिया प्रा.लि दमकका अध्यक्ष ध्रुब न्यौपानेले जानकारी दिनुभएको छ । 

 

Comments