• Radio Himshikhar
  • kankai Bikash Bank
News Updates
  • अमेरिकाको एक कोइलाखानीमा पाच दिनदेखि फसेका तीन जना कामदारको सकुसल उद्धार
  • दाङमा गएराती एक घरमा आगलागी, एकै परवारका तीन जनाको जलेर मृत्यु
  • टर्कीमा रेल दुर्घटना हुँदा कम्तीमा नौ जनाको मृत्यु, दुर्घटनामा दर्जनौ घाईते
  • झापा शिवसताक्षीको कृषि पर्यटन तथा सिमसार क्षेत्र बिकासको अभावमा ओझेलमा
  • झापाकाे कमल गाँउपालिकामा सवारी दुर्घटना परि दु्ई जना घाइते
राष्ट्रिय
ताप्लेजुङका सबै स्थानीय तहमा यातायातको पहुँच
बसन्त लिम्बु प्रकाशित मिति: शुक्रबार, मंसिर १४, २०७५

ताप्लेजुङ १४ मसिंर । भौगोलिक हिसावले विकट मानिएको ताप्लेजुङका सबै स्थानीय तहमा यातायातको पहुँच पुगेको छ । भारत र चिनसँग जोडीएको हिमाली जिल्ला ताप्लेजुङको मिक्वाखोला गाउँपालिकामा सवारी साधन पुगेसँगै जिल्लाका ९ वटै तहका नागरिकले गाडीबाटै सदरमुकाम आवतजावत गर्न सक्ने भएका छन् ।

 जिल्ला सदरमुकाम फुङलिङ नगरपालिकासँग जोडिएको मिक्वाखोला गाउँपालिकामा तमोर नदीबाट सवारी साधन तारिएसँगै जिल्लाको सवै स्थानिय तहमा सडकको पहुँच पुगेको छ ।

फुङलिङ नगरपालिका वडा नं ९ हाङ्देवावाट तमोर तरेर मिक्वाखोला २ को थुम्वावेंशीमा गाडी पुगेका हो । तमोरमा १२ वटा ह्युम पाइप राखेर तारिएका हो । पारीपट्टिको फुङलिङ बजारमा मात्रै गाडी देखेका मिक्वाखोलावासी गाउँमा गाडी पुगेसँगै खुसी भएका छन् ।

बजारसम्म ओहोरदोहोर गर्न, बिरामी पर्दा र गाउँमा फलेका तराकारी, अन्नपात बिक्रि गर्न सहज हुने स्थानियको भनाई छ । मिक्वाखोलाको वडा नं १, २ र ३ का प्रत्येक गाउँसम्म सडक विस्तार भएको छ । ति सबै ठाउँमा अब सवारी सञ्चालन हुनेछन् ।

गाडी तारिएको स्थानमा निर्माणाधिन सानिमा हाइड्रोपावरले मोटरेबल पुल निर्माण गरिरहेको छ । दुई महिनाभित्र पुल निर्माण सकिने र त्यतिन्जेल खोलाबाटै सवारी सञ्चालन गरिने वताईएको छ ।

गाउँपालिका केन्द्रसम्म भने तत्काल सवारी सञ्चालन हुने अवस्था छैन । लिवाङमा ३ वर्षअघि गएको पहिरो नथामिएका कारण केन्द्र रहेको साँवासम्म सडक पुर्याउन नसकिएको हो । सडक सञ्जालले सदरमुकाम सँग जोडिए सँगै खोक्लीङ, लिवाङ, साँवा, पापुङ, तोक्पेगोला लगायतका नागरिकलाई सहज भएको छ । 

यो सँगै जिल्लाका सवै स्थानिय तहमा सवारीसाधन पुगेपनि कच्ची सडक भएका कारण वर्षामा हिलाम्मे र हिउँदमा धुलाम्मे हुने गर्दछ । विकासको मुख्य आधारको रुपमा लिईएको सडकलाई वाह्रैमास चल्ले वनाउने तर्फ भने सवैले ध्यान दिनुपर्छ । 


 

Comments