• Radio Himshikhar
  • kankai Bikash Bank
News Updates
  • अमेरिकाको एक कोइलाखानीमा पाच दिनदेखि फसेका तीन जना कामदारको सकुसल उद्धार
  • दाङमा गएराती एक घरमा आगलागी, एकै परवारका तीन जनाको जलेर मृत्यु
  • टर्कीमा रेल दुर्घटना हुँदा कम्तीमा नौ जनाको मृत्यु, दुर्घटनामा दर्जनौ घाईते
  • झापा शिवसताक्षीको कृषि पर्यटन तथा सिमसार क्षेत्र बिकासको अभावमा ओझेलमा
  • झापाकाे कमल गाँउपालिकामा सवारी दुर्घटना परि दु्ई जना घाइते
राष्ट्रिय
नेकपाका सांसद रामवीर मानन्धरद्धारा प्रतिनिधिसभा सदस्यबाट राजीनामा
प्रकाशित मिति: मंगलबार, आश्विन २३, २०७५

काठमाण्डौ   नेकपाका सांसद रामवीर मानन्धरले प्रतिनिधिसभा सदस्यबाट राजीनामा दिनुभएको छ । 

मंगलबार काठमाडौंमा पत्रकार स्म्मेलन गर्दे मानन्धरले आफूले प्रतिनिधिसभा सदस्यबाट राजीनामा दिइसकेको र राजीनामा पार्टीले स्वीकृत गरेपछि संसद सचिवालयमा बुझाईने बताउनुभयो । गत मंसिरमा सम्पन्न प्रतिनिधिसभा चुनावमा मानन्धर काठमाडौं ७ बाट विजयी हुनुभएको थियो ।

पार्टीकै सचिवालय सदस्य वामदेव गौतमले प्रतिनिधिसभा सदस्य बन्ने इच्छा गरेपछि मानन्धरले राजीनामा दिनुभएको हो । उहाले बामदेव गौतम पुराना नेता भएको भन्दै पार्टी एकता गर्न भूमिका खेलेको नेता समेत भएकाले सांसदमा आउनु राम्रो हुने धारणा राख्नुभयो ।

अहिले राजनीतिक स्थायित्व चाहिएको भन्दै उहाले त्यसका लागी आधार चाहिने र आवश्यक मान्छेको खोजि हुनु स्वभाविक भएको टिप्पणी गर्नुभयो । उहाले राजीनामाका लागी आफुले कुनै सर्त नराखेको तर्क गर्दे पार्टीले जुन जिम्मेवारी दिएपनि स्वीकार गर्ने धारणा राख्नुभयो। 

मानन्धरले राजीनामा दिने घोषणा गरेसँगै नेता वामदेव गौतमका लागि बाटो खुलेको छ । उक्त क्षेत्रबाट उपचुनावमा बर्दिया १ बाट पराजित नेता गौतमलाई उठाउने तयारी छ । गौतमले केही महिनायता आफूलाई सांसद बनाउन सचिवालय बैठकमा निरन्तर छलफल गराईरहनुभएको थियो । 

Comments