• Radio Himshikhar
  • kankai Bikash Bank
News Updates
  • अमेरिकाको एक कोइलाखानीमा पाच दिनदेखि फसेका तीन जना कामदारको सकुसल उद्धार
  • दाङमा गएराती एक घरमा आगलागी, एकै परवारका तीन जनाको जलेर मृत्यु
  • टर्कीमा रेल दुर्घटना हुँदा कम्तीमा नौ जनाको मृत्यु, दुर्घटनामा दर्जनौ घाईते
  • झापा शिवसताक्षीको कृषि पर्यटन तथा सिमसार क्षेत्र बिकासको अभावमा ओझेलमा
  • झापाकाे कमल गाँउपालिकामा सवारी दुर्घटना परि दु्ई जना घाइते
स्वास्थ्य
क्यान्सर अस्पताललाई सरकारले सहयोग बढाउनुपर्छ : सभामुख महरा
आनन्द पोखरेल प्रकाशित मिति: बुधबार, आश्विन १०, २०७५

चितवन, १० असोज । सभामुख कृष्णबहादुर महराले चितवनको भरतपुरमा रहेको क्यान्सर अस्पताललाई सरकारले आर्थिक र प्राविधिक सुविधा बढाउनुपर्ने बताउनुभएको छ ।

भरतपुरमा रहेको वीपी कोइराला मेमोरियल क्यान्सर अस्पतालको १९ वार्षिकोत्सव तथा १४औँ राष्ट्रिय क्यान्सर सतर्कता दिवसको उद्घाटन गर्दै सभामुख महराले यस अस्पतालले केन्द्रीय अस्पतालको भूमिका निर्वाह गरिहेका कारण सरकारले सहयोग वृद्धि गर्नुपर्ने बताउनुभएको हो ।

क्यान्सरको उपचार महंगो भएको उल्लेख गर्दै महराले बिरामीहरुलाई समेत राहत हुने गरि सरकारको सहयोग आवश्यक रहेको बताउनुभयो । 

नेपालमा नै क्यान्सर रोगको उपचार गराउने उद्देश्यले चीन सरकारको सहयोगमा १९ वर्ष अगाडि भरतपुरमा क्यान्सर अस्पताल स्थापना गरिएको थियो ।

भरतपुरको क्यान्सर अस्पताललाई एसियाको १ नम्बरको क्यान्सर अस्पताल बनाउनुपर्ने उल्लेख गर्दै काँग्रेस महामन्त्री डाक्टर सशांक कोइरालाले यसको लागि सहयोग गर्न नेपाली काग्रेस सधैँ तयार रहेको बताउनुभयो । 

 नेपालमा पत्ता लागेको क्यान्सर रोगी मध्ये वीपी कोइराला मेमोरियल क्यान्सर अस्पतालले करिब ६० प्रतिशत बिरामीलाई सेवा पुर्याउँदै आएको छ ।

क्यान्सरका बिरामीले चाँडो उपचार पाउन् भन्नका लागि अस्पतालले मेडुलर अप्रेसन कक्ष र केमु क्याविनेट थप गर्न लागेको अस्पतालका कार्यकारी निर्देशक डाक्टर विजयचन्द्र आचार्यले बताउनुभयो । 

Comments