• Radio Himshikhar
  • kankai Bikash Bank
News Updates
  • उपसचिब प्रेम संजेल कार्यालय हाजिर भए
  • ललितपुरमा १२ औ राष्ट्रिय प्राङ्गारिक कृषि मेला सुरु
  • प्रधानमन्त्री ओलीद्वारा हेलिकप्टर दुर्घटनामा निधन भएकाहरु प्रति श्रद्धान्जली
  • नौमती बाजा हराउ“दै गएपछि धनकुटाका महिला बाजा संरक्षणमा सक्रिय
  • झापामा आजदेखि बिहान र बेलुका ट्रिपर सञ्चालनमा रोक, दुर्घटना न्युनिकरण गर्ने उदेश्य
राष्ट्रिय
भिमदत्तनगरका महिलाले तिजका दिन लगाए कालो पहिरन
डिल्लीराज पन्त प्रकाशित मिति: बुधबार, भाद्र २७, २०७५

भाद्र २७ कञ्चनपुर । कञ्चनपुरकी बालिका निर्मला पन्त हत्याकाण्डपछि शोकमा रहेको कञ्चनपुर सदरमुकाम महेन्द्रनगरमा विरोध स्वरुप ‘कालो तीज’ मनाइएको छ ।

प्राय गरी तीजका बेला महिलाले रातो सारी र गरगहना लगाएर रमझम गर्दै तीज मनाउने भएपनि गत साउन १० गते भिमदत्तनगर २ उल्टाखामकी १३ वर्षय वालिका निर्मला पन्तका हत्यारालाई सार्वजनिक गर्न सरकारले ढिलासुस्ती गरिरहेको विरोधमा स्थानीय महिलाले कालो पहिरन लगाएका हुन । 

सदरमुकाम महेन्द्रनगर बजारको मुख्य मदनचोकमा भेला भएका महिलाले निर्मला पन्तका हत्यारालाई कारवाही गर्न सरकारलाई खबरदारी गरेका छन् । महिला अधिकारका क्षेत्रमा क्रियाशील महिला र सर्वसाधारणहरू चोकमा भेला भई सरकारलाई दवाद दिन धर्नामा समेत वसेका छन ।

आफुहरु कुनै खुसी र मिडियामा आउन यो कार्यक्राको आयोजना नगरएिको भन्दै करिव २ महिनाको अवधि वितिसक्दा समेत वास्तविक हत्यारा पत्ता लगाउन नसकेको सरकारको विरेधमा चेलिहरुको महान चाड नमनाई विरोध गरेको वताएका छन ।
 

यसअघि, महेन्द्रनगरमा स्थानीय पर्व गौरालाई पनि विरोधकै रुपमा मनाइएको थियो । देवि देवताका गाथा र पौराणिक कथामा आधारीत प्रसङ्ग उल्लेख गर्दै गाईने देउडा मा समेत  निर्मला पन्तका हत्यारालाई कारवाहीको माग गर्दै सरकार र प्रहरी प्रशासनको विरोध गरिएको थियो ।
 

निर्मला पन्तको बलात्कार र हत्यापछि भएको आन्दोलन तथा सरकारले हत्यारा सार्वजनिक गर्न ढिलासुस्ती गर्दा महेन्द्रनगर अशान्ति, आक्रोशित र शोकमा छ ।

Comments