• पर्दाफास कालो कर्तुतको, जहा अत्याचार, त्याहा खबरदार  सत्य ओकल्ने हाम्रो प्रयास  निरन्तर मोफशलबाट खबरदारी  फोकश न्युज ।
  • Radio Himshikhar
News Updates
  • नेपालमा आज ११ हजार ३ सय ५२ जनामा कोरोना संक्रमण पुष्टि ,थप ४ जनाको मृत्यु
  • अस्ट्रेलियामा कोरोनाका कारण स्थिती भयावह,एकै दिन ७६ जनाको मृत्यु भएपछि ३ राज्यमा आपतकाल घोषणा
  • मेची राजमार्गमा यातायात सञ्चालमा सकस,भत्कीएको सडक सञ्चालनमा आउन तिन महिना लाग्ने
  • हिमशिखर टेलिभिजन आजबाट १२ औ वर्षमा प्रवेश, अझ परिस्कृत र जिम्मेवार भएर अघि बढ्ने प्रतिबद्धता
  • बढ्दो कोरोना सङ्क्रमणका बिच जिल्ला प्रशासन कार्यालय मोरङमा सेवाग्राहिको भिड उच्च
अन्तर्राष्ट्रिय
अमेरिकी राष्ट्रपति ट्रम्पले इरानसँग नयाँ प्रतिबन्धको घोषणा गर्ने
प्रकाशित मिति: मंगलबार, साउन २२, २०७५

 अमेरिकी राष्ट्रपति डोनल्ड ट्रम्पले इरानसँग सन् २०१५ मा भएको परमाणु सम्झौताबाट हटेपछि नयाँ प्रतिबन्धको घोषणा गर्ने भएका छन् ।

नयाँ प्रतिबन्ध अटोमोबाइल क्षेत्रसँगै इरानको सुन र बहुमुल्य धातुको व्यापारमा सम्बन्धित छ । आर्थिक दबाबका कारण इरान नयाँ सम्झौताका लागि तयार हुने र आणविक गतिविधि रोक्ने ट्रम्पको विश्वास छ ।

अमेरिकी राष्ट्रपतिले प्रतिबन्ध उल्लंघन गरे गम्भीर परिणाम भोग्नुपर्ने चेतावनी समेत दिएका छन् । यता इरानका राष्ट्रपति हसन रुहानीले अमेरिकी कदमलाई मनोवैज्ञानिक युद्धको संज्ञा दिएका छन् ।

सरकारी टेलिभिजनमा सम्बोधन गर्दै रुहानीले अमेरिकासंग तत्काल वार्ताको सम्भावना नभएको भन्दै कूटनीति र वार्ताको पक्षमा रहे पनि यसमा इमान्दारिता जरुरी रहेको बताएका छन् ।

सन् २०१५ मा इरानसँग गरिएको उक्त सम्झौताका अरु हस्ताक्षरकर्ता मुलुकहरु रुस, चीन, बेलायत, फ्रान्स र जर्मनीले भने अमेरिकी कदमको आलोचना गरेका छन् । उनीहरुले सम्झौता अनुसारको भूमिका निभाउने प्रतिबद्धता व्यक्त गरेका छन् ।

उक्त सम्झौता अनुसार इरानले विवादित परमाणु गतिविधि नियन्त्रण गर्ने र यसको बदलामा उमाथिको प्रतिबन्ध खुकुलो पार्ने लगायतका प्रावधान थिए । इरानले आफ्नो आणविक कार्यक्रम शान्ति पूर्ण उद्धेश्यका लागि भएको दाबी गर्दै आएको छ ।

Comments