• Radio Himshikhar
  • kankai Bikash Bank
News Updates
  • धनकुटामा बडा अध्यक्षले तिरिदिए विद्यालयको ऋण
  • सौठामा अस्पताल भवन शिलन्यास
  • दूधमा चितवन आत्मनिर्भर जिल्ला बन्दै
  • कानूनी राय लिन सभामुख महराको सुझाब
  • सिजुवाबजार बाट कादुपाडा जोडने सडक कालोपत्रे हुने
अन्तर्राष्ट्रिय
मेक्सिकोको दुरंगो शहरमा विमान दुर्घटनामा परी ८५ जना घाइते
प्रकाशित मिति: बुधबार, साउन १६, २०७५

एजेन्सी । मेक्सिकोको दुरंगो शहरमा विमान दुर्घटना भएको छ । विमान दुर्घटना भए पनि मानवीय क्षति हुनबाट जोगिएको छ । दुरंगो राज्यका गभर्नर जोसे एस्पुरोले ट्वीट गर्दै मानवीय क्षति नभएको जनाएका छन् । विमानमा ९७ यात्रु र ४ जना चालक दलका सदस्य रहेका थिए । बीबीसीका अनुसार विमानमा रहेका १०१ जनामध्ये ८५ जना घाइते भएका छन् ।

२ जनाको अवस्था गम्भीर रहेको पनि बीबीसीले उल्लेख गरेको छ । स्थानीय सञ्चारमाध्यमले जनाए अनुसार उडेको ५ मिनेटमा नै विमान दुर्घटनामा परेको थियो । विमानमा रहेका यात्रुहरु हाइवेमा मद्दत मागिरहेका देखिएको थियो ।  

विमानस्थलका अपरेटरले खराब मौसमका कारण विमान दुर्घटना जानकारी दिएका छन् ।  एएम २४३१ कल साइन भएको उक्त विमान दुरंगो ग्वादालुपे भिक्टोरिया अन्तर्राष्ट्रिय विमानस्थलबाट मेक्सिको सिटीतर्फ जान लागेको थियो ।

Comments