• पर्दाफास कालो कर्तुतको, जहा अत्याचार, त्याहा खबरदार  सत्य ओकल्ने हाम्रो प्रयास  निरन्तर मोफशलबाट खबरदारी  फोकश न्युज ।
  • Radio Himshikhar
News Updates
  • झापाको दमकमा १२ हजार बढी बालबालिकाले लगाए कोरोना विरुद्धको खोप
  • आज सुनको मूल्य घट्यो, तोलामा २ सयले घटेर ९२ हजार ५ सय रुपैया“मा कारोबार ।
  • आज विश्व क्यान्सर दिवस, क्यान्सरको उपचारमा पहुचको दूरीलाई बन्द गरौ’ भन्ने नाराका साथ दिवस मनाइदै ।
  • सोलुखुम्बुको सल्लेरी लगायतका क्षेत्रमा भारी हिमपात, सडक सञ्जाल ठप्प ।
  • काठमाण्डौ उपत्यकासहित देशभर बर्षा, पहाडी तथा हिमाली भेगका केही ठाउमा हिमपात
खेलकुद
नेपाली क्रिकेट टोलीले आज बेलायतको लड्र्स क्रिकेट मैदानमा त्रिकोणात्मक ट्वेन्टी ट्वेन्टी शृङ्खला खेल्दै
प्रकाशित मिति: आइतबार, साउन १३, २०७५

१३ साउन । नेपाली राष्ट्रिय क्रिकेट टोलीले आज बेलायतको लड्र्स क्रिकेट मैदानमा त्रिकोणात्मक ट्वेन्टी ट्वेन्टी शृङ्खला खेल्दैछ ।क्रिकेटको मक्का मानिने ऐतिहासिक लड्र्स मैदानमा नेपालले दोस्रो पटक खेल्न लागेको हो । मैत्रीपूर्ण टी–ट्वेन्टी शृङ्खलाका लागि नेपाली टोली अहिले इङ्ल्याण्डमा छ । नेपालले आज साँझ नेपाली समयअनुसार सवा ६ बजे मेरेलीबोन क्रिकेट क्लव (एम.सी.सी.)सँग खेल्नेछ भने साढे १० बजे नेदरल्याण्ड्ससँग खेल्नैछ ।

त्यसअघि दिउँसो ३ बजे नेदरल्याण्ड्स र एम.सी.सी.बीचको खेल हुनेछ । एम.सी.सी.को कप्तानी श्रीलंकाली महान क्रिकेटर माहेला जयबर्दनेले गर्नेछन् । मैत्रीपूर्ण भए पनि नेपाल र नेदरल्याण्ड्सबीचको खेललाई अन्तराष्ट्रिय क्रिकेट परिषद (आईसीसी)ले अन्तर्राष्ट्रिय टी–ट्वेन्टीको मान्यता दिएको छ ।

नेपालले सन् २०१५ पछि पहिलो पटक अन्तराष्ट्रिय टि ट्वेन्टी खेल्न लागेको हो । त्रिकोणात्मक सिरिजपछि नेपाली टोली नेदरल्याण्ड्स प्रस्थान गर्नेछ । त्यहाँ नेपालले नेदरल्याण्ड्ससँग आगामी बुधबार र शुक्रबार एक दिवसीय खेल खेल्नेछ । नेपालले एक दिवसीय शृङ्खला खेल्न लागेको यो पहिलो अवसर हो ।

Comments