• Radio Himshikhar
  • kankai Bikash Bank
News Updates
  • डडेल्धुरास्थित उग्रतारा मन्दिरमा मंसिर ६ गते लाग्ने मेलाको तयारी तिब्र
  • ओखलढुंगामा विभिन्न रोगका कारण सुन्तला र जुनार मासिन थाले, किसान चिन्तीत
  • शिक्षाका लागि विश्वव्यापी अभियान जीसीईको छैटौं विश्व सम्मेलन आज सुरु हुदै
  • केन्द्रीय सरकारले संघीय प्रहरी ऐन अझै निर्माण गर्न सकेन, प्रदेश सरकारहरुलाई कार्य सम्पादनमा समस्या
  • अमेरिकाको क्यालिफोर्निया फैलिएको आगालागीमा परि मृत्यु हुनेको संख्या २५ पुग्यो
राष्ट्रिय
लगातारको वर्षा र बाढीले तेह्रथुमका सडक हिलाम्मे भएपछि यातायात अवरुद्ध
प्रकाशित मिति: मंगलबार, आषाढ २६, २०७५

तेह्रथुम, २६ असार । लगातारको वर्षा र बाढीले तेह्रथुमका सडक हिलाम्मे भएपछि यातायात अवरुद्ध भएको छ । जिल्लाका दुई नगरपालिका र चार वटै गाउँपालिकामा निर्माणाधीन रहेका सडकमा क्षति पुगेपछि सदरमुकामसँगको यातायात सम्पर्क टुटेको छ । निर्माण भइसकेका र बन्दै गरेका सबै सडक वर्षाले बगाएर र बाढीले खोलेर ठूल्ठूला खाडल बनाएपछि ट्याक्टर समेत चल्न नसक्ने अवस्थामा पुगेका छन् ।

सदरमुकामलाई पुर्वी तराईसँग जोड्ने वसन्तपुर–म्याङलुङ २६ किलोमिटर सडकका ठाउँ–ठाउँमा हिलो जमेर आवागमनमा समस्या भएको छ । वर्षाको पानीले सडक हिलाम्मे हुँदा जिल्लाका ४० भन्दा बढी सडकमा यातायात एकैपटक ठप्प भएको जिल्ला ट्राफिक प्रहरी कार्यालय, बसन्तपुरले जनाएको छ । वर्षाको भेलले बगाएका सडकमा करोडौं रुपैयाँ खर्च गरेर मर्मत गरिएको थियो, तर मर्मतले वर्षाको पानी र बाढीलाई थाम्न सकेको छैन ।

वातावरणीय प्रभाव अनुगमन मूल्यांकन नै नगरी नियम विपरीत डोजर र स्काभेटर लगाएर खनिएका धेरै सडकमा पहिरो गएको छ । सदरमुकाम म्याङलुङ्ग देखि ओयाक्जुङ, जलजले, सिम्ले, सम्दु, सक्रान्तिबजारका लागि छुट्ने साना सवारी नकुदेको महिनौँ हुन लागेको छ ।

जिरिखिम्तीदेखि मोराहाङ, श्रीजुङ जोडिने सडक पनि क्षतिग्रस्त छ । वर्षाले सडक हिलाम्मे भएर हिलोमा फसेका सवारी निकाल्न चालक र यात्रु घण्टौसम्म ठेलिरहेका भेटिन्छन् । 

Comments