• Radio Himshikhar
  • kankai Bikash Bank
News Updates
  • इलामको पूर्वी भारतीय सिमामा सशस्त्र प्रहरी परिचालन हुने, आपराधिक गतिविधि नियन्त्रण गर्ने उदेश्य
  • जलवायू परिवर्तन निराकरणका उपायहरू खोज्न विज्ञहरुलाई राष्ट्रपति विद्यादेवी भण्डारीको सुझाब
  • अमेरिकी सर्वाेच्च अदालतको न्यायाधीशमा ब्रेट क्याभानो नियुक्त
  • देशमा संविधान भन्दा ठूलो शक्ति नभएको पूर्वसभामुख सुवासचन्द्र नेम्वाङको भनाइ
  • जनयुद्धकालमा विस्थापित सप्तरीका छोटी भन्सार पुर्नस्थापना भएनन्, तस्करी बढ्यो
राष्ट्रिय
ससुराले गरे आफ्नै ज्वाइँको हत्या
प्रकाशित मिति: बुधबार, जेठ ३०, २०७५

सप्तरी, ३० जेष्ठ । सप्तरीको राजविराज नगरपालिका–९ मलेठमा गए राति आफ्नै ससुराले ज्वाइँको हत्या गरेका छन् । ४५ वर्षीय ससुरा रामदयाल साह र उनका परिवारको कुटपिटबाट हनुमाननगर नगरपालिका स्थित गिदखोरा निवासी हाल राजविराज–५ मा बस्दै आएका २६ वर्षीय ज्वाई दिपेन्द्र मण्डलको मृत्यु भएको हो । 

दुई वर्षअघि प्रेम विवाह गरेका मण्डललाई उनकै कान्छी श्रीमति २२ वर्षीया अन्जना साहले छोरीको जन्मदिनको वहानामा बोलाई हत्या गरेको आफ्न्तको भनाई छ । मण्डल पहिलेदेखि नै विवाहित रहेको र जेठी श्रीमति २४ वर्षीया रेश्मी मण्डलसँग बस्ने गरेकोले अन्जनाको परिवारले योजनावद्ध ढंगले भाईको हत्या गरेको परिवारजनको आरोप छ ।

मण्डललाई हत्या गरी घरभन्दा करिब १ किलोमिटर पर फालिएको अवस्थामा स्थानियले शव देखेपछि प्रहरीलाई खबर गरेका थिए । घटनास्थलमा पुगेको प्रहरीले शव पोष्टमार्टमका लागि राजविराज स्थित गजेन्द्रनारायण सिंह सगरमाथा अञ्चल अस्पतालमा ल्याएको छ ।

घटना बारे थप अनुसन्धान भईरहेको सप्तरीका एसपी मुकेशकुमार सिंहले बताउनु भयो । यसैबीच, घटनामा संलग्न रहेको आरोपमा प्रहरीले तीन जनालाई पक्राउ गरेको छ । ससुरा रामदयाल साह, उनका २५ वर्षीय छोरा जयप्रकाश साह र छोरी अन्जना साहलाई प्रहरीले पक्राउ लिएको छ।

Comments