• Radio Himshikhar
  • kankai Bikash Bank
News Updates
  • इलामको पूर्वी भारतीय सिमामा सशस्त्र प्रहरी परिचालन हुने, आपराधिक गतिविधि नियन्त्रण गर्ने उदेश्य
  • जलवायू परिवर्तन निराकरणका उपायहरू खोज्न विज्ञहरुलाई राष्ट्रपति विद्यादेवी भण्डारीको सुझाब
  • अमेरिकी सर्वाेच्च अदालतको न्यायाधीशमा ब्रेट क्याभानो नियुक्त
  • देशमा संविधान भन्दा ठूलो शक्ति नभएको पूर्वसभामुख सुवासचन्द्र नेम्वाङको भनाइ
  • जनयुद्धकालमा विस्थापित सप्तरीका छोटी भन्सार पुर्नस्थापना भएनन्, तस्करी बढ्यो
राष्ट्रिय
गजेन्द्रनारायण सिंह सगरमाथा अञ्चल अस्पताललाई प्रदेश २ कै नमूना अस्पताल बनाइने
प्रकाशित मिति: बुधबार, जेठ ३०, २०७५

सप्तरी,२९ जेष्ठ । सप्तरीको राजविराज स्थित गजेन्द्रनारायण सिंह सगरमाथा अञ्चल अस्पताललाई प्रदेश २ कै नमूना अस्पताल बनाउने उदेश्यले छलफल शुरु गरिएको छ । अस्पताललाई व्यवस्थित र सुविधा सम्पन्न बनाउन संघीय समाजवादी फोरम नेपालका नेताहरु पनि छलफलमा जुटेका छन् । अस्पतालमा रहेका समस्याको विस्तृत अध्ययन गरि फोरम नेपाल सप्तरीले मङ्गलवार अस्पतालमा छलफलको आयोजना गरि सरोकारवालासँग जानकारी लिएको छ ।

अस्पतालमा लामो समयदेखि सिभिल सर्जन, प्याथोलोजिष्ट, एनेस्थेसिष्ट, छाला रोग विशेषज्ञ, इएनटी सर्जन, बालरोग विशेषज्ञ लगायतको पद रिक्त रहेको छलफलमा अस्पताल पक्षले जानकारी गराएको थियो । मेसु डा.दासले १२ जना मेडिकल अफिसर तत्काल आवश्यक रहेकोमा ६ जनाको मात्र दरबन्दी रहेको र  १८ जना स्टाफ नर्सको दरबन्दीमा पनि १० मात्र कार्यरत रहेको बताउनु भयो ।

छलफलमा डा. दासले पुराना भवनमा अस्पताल सञ्चालन गर्न समस्या भईरहेकोले अस्पताल भवन र स्टाफ क्वाटर समेतको निर्माणगर्न आवश्यक रहेको बताउनु भयो । छलफलका सहभागीहरुले अस्पतालाई स्तरोन्नत्ति गरी ३ सय शैय्याको बनाउनु पर्नेमा जोड दिएका थिए । फोरमका जिल्ला अध्यक्ष दिनेश कुमार यादवले अस्पतालमा देखिएका समस्याहरु समाधानगर्दै प्रदेश २ कै राम्रो अस्पताल बनाउनमा पहलशुरु गर्ने बताउनु भयो । 

देशकै पुरानामध्यको यस अस्पतालमा हाल ५० शैय्याको क्षमता रहेपनि विभिन्न समस्या र चुनौतीका कारण उपचार सेवा समेत प्रभावित हुदै आएको छ । 

Comments