• Radio Himshikhar
  • kankai Bikash Bank
News Updates
  • धरानको कृषि उपज बजारले लिने दोहोर कर विरुद्ध ब्यवसायी समिति आन्दोलित, दोहोर कर र सिण्डिकेट अन्त्यको माग
  • व्यावसायिक पशुपालनतर्फ आर्कषण बड्दो, चुलाचलीका कृषक संगठितरुपा बाख्रापालनमा सक्रिय
  • बालिका हत्या काण्डका विषयमा महेन्द्रनगरमा प्रदर्शन, भिड नियन्त्रण गर्न प्रहरीद्वारा अश्रु ग्यास प्रहार
  • बर्तमान सरकार कसैको इसारामा नचल्ने प्रधानमन्त्री ओलीको प्रष्टोक्ति, करको विषयमा अनावश्यक भ्रम सृजना गर्न खोजिएको भनाइ
  • पेट्रोलियम पदार्थमा मूल्यवृद्धि
राष्ट्रिय
संवैधानिक परिषद्को बैठक आज बस्दै
प्रकाशित मिति: मंगलबार, जेठ २९, २०७५

काठमाडौ,२९ जेष्ठ । प्रधानन्यायाधीश सहित संवैधानिक निकायका पदाधिकारी सिफारिसका लागि मंगलबार संवैधानिक परिषद्को बैठक बस्ने भएको छ ।प्रधानमन्त्री तथा मन्त्रिपरिषद्को कार्यालय सिंहदरबारमा अपराह्न ४ बजेका लागि बोलाइएको बैठकमा तीन महिनादेखि रिक्त प्रधानन्यायाधीश लगायत अन्य संवैधानिक निकायमा रिक्त पदाधिकारी सिफारिस गर्नेबारे छलफल हुने बताइएको छ ।

गत फागुन ३० गतेदेखि प्रधानन्यायाधीशको पद रिक्त छ । प्रधानन्यायाधीशको पद रिक्त हुनुभन्दा एक महिना पहिलै र कारणवस अचानक रिक्त भए एक महिनासम्ममा प्रधानन्यायाधीश नियुक्त गर्नुपर्ने संवैधानिक व्यवस्था छ । प्रधानमन्त्री अध्यक्ष रहने संवैधानिक परिषद्ले प्रधानन्यायाधीश नियुक्तिको प्रकृया अघि नबढाएको भन्दै आलोचना हुँदै आएको छ ।

प्रधानन्यायाधीशका लागि योग्यता पुगेका कायम मुकायम प्रधानन्यायाधीश दीपकराज जोशी, न्यायाधीश ओमप्रकाश मिश्र र चोलेन्द्रशमशेर जबराको नाम र अभिलेख न्यायपरिषद्ले संवैधानिक परिषद्मा पठाइसकेको छ । आज बस्ने बैठकले तीनै न्यायाधीशमध्येबाट प्रधानन्यायाधीश सिफारिस गर्ने सम्भावना रहेको बताइएको छ । संवैधानिक परिषद् बैठकले सिफारिस गरेपछि संसदीय

सुनुवाईका लागि संसद्मा पठाउने छ । संसदीय सुनुवाई समितिले अनुमोदन गरेपछि राष्ट्रपतिले प्रधानन्यायाधीश नियुक्ति गर्ने प्रावधान छ । 

Comments