• Radio Himshikhar
  • kankai Bikash Bank
News Updates
  • इलामको पूर्वी भारतीय सिमामा सशस्त्र प्रहरी परिचालन हुने, आपराधिक गतिविधि नियन्त्रण गर्ने उदेश्य
  • जलवायू परिवर्तन निराकरणका उपायहरू खोज्न विज्ञहरुलाई राष्ट्रपति विद्यादेवी भण्डारीको सुझाब
  • अमेरिकी सर्वाेच्च अदालतको न्यायाधीशमा ब्रेट क्याभानो नियुक्त
  • देशमा संविधान भन्दा ठूलो शक्ति नभएको पूर्वसभामुख सुवासचन्द्र नेम्वाङको भनाइ
  • जनयुद्धकालमा विस्थापित सप्तरीका छोटी भन्सार पुर्नस्थापना भएनन्, तस्करी बढ्यो
स्वास्थ्य
नर्सहरुकाे गुनासाे : नर्सिङ पढ्दाको उत्साह जागिर खाँदा सेलायो
प्रकाशित मिति: शनिबार, बैशाख २२, २०७५

झापा । सरकारी अस्पतालमा दरबन्दी नबढाउँदा एकातिर नर्सहरु बेरोजगार छन् त अर्काे तर्फ निजी अस्पतालमा श्रम शोषणमा परेका छन् । 

रातदिन बिरामीको सेवामा खटिने एउटै नर्सले ३० देखि ४० जना सम्म बिरामी हेर्नु परे पनि तलब भत्ता र सुविधा भने अत्यन्त न्यून भएको गुनासो उनीहरुले गर्दै आएका छन् । अस्पतालमा सबै भन्दा महत्पूर्ण भूमिका हुन्छ नर्सको । २४ सै घन्टा सेवामा खटिने यी नर्सहरुले खटाइ अनुसारको न तलब पाएका छन् न सुबिधा र सम्मान ।

नर्सिङ पढ्दा जुन उत्साह थियो त्यो अहिले नभएको नर्सहरु बताउछन् । अस्पतालमा बिरामीको चाप बढ्दो छ तर त्यस अनुसार नर्सको दरबन्दी  बढाउने काम नहुँदा एउट नर्सले ४० जना सम्म बिरामी हेर्नु परेको गुनासो सरकारी अस्पतालका नर्सहरुको छ ।

विश्व स्वास्थ्य संगठनका अनुसार सघन उपचार कक्ष (आईसीयू) मा एक बिरामी बराबर एकजना नर्स ,शल्यकक्षमा एक बिरामी बराबर तीन, वार्डमा पाँच बिरामी बराबर एक नर्स हुनुपर्छ । नेपालको कुल जनसंख्याको अनुपात हेर्ने हो भने हाल सरकारी सेवामा कार्यरत एकजना नर्सको भागमा करिब छ हजार बिरामी पर्ने गरेका छन् ।

Comments