• Radio Himshikhar
  • kankai Bikash Bank
News Updates
  • इलामको पूर्वी भारतीय सिमामा सशस्त्र प्रहरी परिचालन हुने, आपराधिक गतिविधि नियन्त्रण गर्ने उदेश्य
  • जलवायू परिवर्तन निराकरणका उपायहरू खोज्न विज्ञहरुलाई राष्ट्रपति विद्यादेवी भण्डारीको सुझाब
  • अमेरिकी सर्वाेच्च अदालतको न्यायाधीशमा ब्रेट क्याभानो नियुक्त
  • देशमा संविधान भन्दा ठूलो शक्ति नभएको पूर्वसभामुख सुवासचन्द्र नेम्वाङको भनाइ
  • जनयुद्धकालमा विस्थापित सप्तरीका छोटी भन्सार पुर्नस्थापना भएनन्, तस्करी बढ्यो
बिजनेस
आधुनिक प्रविधि जडित अर्थोडक्स चिया प्रशोधन उद्योग सन्चालनमा
प्रकाशित मिति: आइतबार, बैशाख १६, २०७५

तेर्हथुम १६ बैशाख । तेह्रथुममा आधुनिक प्रविधि जडित अर्थोडक्स चिया प्रशोधन उद्योग सन्चालनमा आएको छ । लालीगुराँस नगरपालिका–९, सोल्मास्थित सिंहदेवी चिया उत्पादक सहकारी संस्थामार्फत चिया उत्पादक किसान आफैँले लगानी गरेर उद्योग स्थापना गरेका हुन् ।

करिब तीन करोड रुपैयाँ लगानीमा बनेको उद्योग स्थापनाका लागि उनीहरुलाई उन्नति परियोजनाले एक करोड ९ लाख रुपैयाँ सहयोग गरेको छ । उद्योगको शनिबार एक कार्यक्रमका बीच उद्घाटन गरिएको छ ।

उद्योगबाट अब ४० हजार केजी अग्र्यानिक अर्थोडक्स चिया उत्पादन हुने सहकारी संस्थाका अध्यक्ष खेमबहादुर केप्छाकीले बताउनुभयो । जिल्लामै पहिलो पटक आधुनिक प्रविधि जडित उद्योग स्थापना भएपछि जिल्लाका किसानले उत्पादन गरेको हरियो पत्ती खेर नजाने भएको छ ।

सोल्मामा मात्रै २ सय १९ परिवार किसानले करिब १४ सय रोपनी क्षेत्रफलमा चिया खेती गर्दै आएका छन् । उद्योग सन्चालक सिंहदेवी सहकारी संस्थामा मात्रै १ सय ४७ जना किसान आवद्ध रहेका छन् ।

Comments