• Radio Himshikhar
  • kankai Bikash Bank
News Updates
  • नौमती बाजा हराउ“दै गएपछि धनकुटाका महिला बाजा संरक्षणमा सक्रिय
  • झापामा आजदेखि बिहान र बेलुका ट्रिपर सञ्चालनमा रोक, दुर्घटना न्युनिकरण गर्ने उदेश्य
  • झापा इलाम जोड्ने फाष्टट्रर्याक राजदुवाली–बूढीसुखानी–शनिश्चिरे सडक कालोपत्रे हुने
  • ३ लाख पुरस्कार राशिकाे हिमशिखर डान्स आइडल सिजन २ हुने
  • ““मेरो शान मेरो स्वाभिमान, राष्ट्रिय झण्डा मेरो स्वाभिमान’’ नारासहित आज राष्ट्रिय झण्डा दिवस मनाइयो
अन्तर्राष्ट्रिय
इरानसँग नयाँ परमाणु सम्झौता गर्न अमेरिका र फ्रान्सकाे यस्ताे तयारि
प्रकाशित मिति: बुधबार, बैशाख १२, २०७५

एजेन्सी । अमेरिका र फ्रान्सले इरानसँग नयाँ परमाणु सम्झौता गर्न सकिने संकेत गरेका छन् । अमेरिकी राष्ट्रपति डोनाल्ड ट्रम्प र फ्रान्सका राष्ट्रपति इम्यानुअल म्याक्रोनबीच ह्वाइट हाउसमा भएको भेटवार्तामा इरानसँग नयाँ परमाणु सम्झौता गर्न सकिने विषयमा छलफल भएको हो ।

विश्व शक्ति राष्ट्र र इरानबीच सन् २०१५ मा भएको परमाणु कार्यक्रमबारेको सम्झौता कुनै पनि हालतमा कार्यान्वयन गर्न नसकिने भन्दै अमेरिकाले त्यो भंग गर्नुको विकल्प नभएको जनाएको छ । दुई नेताबीचको भेटपछि ह्वाइट हाउसमा गरिएको पत्रकार सम्मेलनमा अमेरिकी राष्ट्रपति ट्रम्पले पुरानो सम्झौतालाई ‘पागलपन’को संज्ञा दिएका थिए । ट्रम्पले यसअघि पनि यो परमाणु सम्झौता सबैभन्दा खराव सम्झौता मध्येको एक भएको बताउँदै आएका थिए ।

बाराक ओवामाको कार्यकालमा भएको यो सम्झौता आगामी मे १२ देखि भंग गर्ने उनले बताएका छन् । फ्रान्सका राष्ट्रपति म्याक्रोनले भने इरानसँग नयाँ सम्झौता हुनसक्ने बताए । नयाँ सम्झौताले इरानको परमाणु कार्यक्रमलाई नियन्त्रणमा राख्न सकिने उनको भनाइ थियो ।

जर्मनकी चान्सलर एन्जेला मर्केल पनि शुक्रबार अमेरिका जाँदै छन । उनले इरानसँगको सम्झौता तोड्नबाट ट्रम्पलाई रोक्ने प्रयास गर्नेछन । अमेरिकाले सम्झौता तोडेमा इरानले पुनः आफ्नो परमाणु कार्यक्रम सुरु गर्ने सम्भावना रहेको बताइएको छ । तर ट्रम्पले भने यो कुनै पनि हालतमा सम्भव नहुने बताउँदै आएका छन् । आफ्ना पुराना गतिविधि सञ्चालन गरेमा उसले ठूलो नोक्सानी बेहोर्नुपर्ने चेतावनी उनले दिए ।  

यसैबीच इरानका राष्ट्रपति हसन रुहानीले अन्तर्राष्ट्रिय परमाणु सम्झौताबाट पछि नहट्न अमेरिकालाई कडा चेतावनी दिएका छन् । उनले सम्झौता भंग गरिदिने भनेर अमेरिकाले दिँदै आएको धम्की कार्यान्वयन गरे त्यसका गम्भीर परिणामहरु हुने बताए ।

विश्व शक्ति राष्ट्रहरु र इरानबीच सन् २०१५ मा परमाणु कार्यक्रमबारे एक सम्झौता भएको थियो । जसअन्तर्गत इरानले आफ्नो परमाणु कार्यक्रमलाई सीमित तुल्याउने प्रतिबद्धता जनाएको थियो । बदलामा ऊ विरुद्ध लगाइएका विभिन्न प्रतिबन्धहरु हटाइएका थिए । 

Comments