• Radio Himshikhar
  • kankai Bikash Bank
News Updates
  • इलामको गोलाखर्कस्थित एक बाल अनाथलय संकटमा÷ स्रोत र आवास भवनको अभाव
  • पूर्वी नाकामा भन्सारद्वारा चेकजाँचमा कडाई÷चोरी पैठारी घटेको भन्सार प्रमुखको दावी
  • ओखलढुंगाको सिद्धिचरण नगरपालिकाका अधिकांश वडा बर्षौदेखि विद्युत बिहिन
  • झापाको एक विद्यायमा अनौठो संयोग एउटै विद्यालयमा १० जोडी जुम्ल्याहा विद्यार्थी÷शिक्षकलाई छुट्टयाउनै हम्मे हम्मे
  • भोजपुरका किसान व्यावसायिक किवी खेती तर्फ आर्कषित
खेलकुद
१० औँ राष्ट्रपति रनिङ शिल्ड प्रतियोगिता सुरु
आनन्द पोखरेल प्रकाशित मिति: शुक्रबार, बैशाख ७, २०७५

चितवन,०७ बैशाख । चितवनमा दसौँ जिल्लास्तरीय राष्ट्रपति रनिङ शिल्ड प्रतियोगिता सुरु भएको छ ।

क्षेत्रीय खेलबाट छनौट भएका खेलाडीहरु जिल्लास्तरीय प्रतियोगितामा प्रतिस्पर्धामा सहभागी भएका छन् । प्रतियोगिताको प्रदेश ३ का भूमि व्यवस्था, कृषि, सहकारी तथा गरिबी निवारण मन्त्री दावादोर्जे लामाले उद्घाटन गर्नुभएको हो ।

भरतपुरको गेष्टहाउस चौरमा सुरु भएको प्रतियोगिताको शुक्रबार उद्घाटन गर्दै मन्त्री लामाले खेलकुदको विकासको लागि आफूले सक्दो सहयोग गर्ने प्रतिवद्धता जनाउनुभएको छ ।

खेलकुदका माध्यमबाट राष्ट्रको विकास गर्न सकिने र खेलकुदले अनुशासित नागरिक उत्पादन गर्ने भएकोले विद्यालय खेलकुदले व्यक्तित्व निर्माणमा महत्वपूर्ण भूमिका खेल्ने लामाले बताउनुभयो । प्रदेश ३ को जमिनको वर्गिकरण गर्दै १३ वटा जिल्लामा व्यवस्थित बस्ती बसाउने लामाको भनाइ छ ।  

यसैबीच, जिल्ला खेलकुद विकास समिति चितवनले विगत चार वर्षदेखि प्रदान गर्दै आएको उत्कृष्ट खेलकुद पत्रकारिता पुरस्कारबाट यस वर्ष खेलकुद पत्रकार आनन्द पोखरेललाई सम्मान गरेको छ ।

जिल्लामा रहेर समाचारका माध्यमबाट खेलकुदको वृद्धि विकासमा सहयोग पु¥याएको भन्दै समितिले १० हजार रुपैयाँ राशिको पुरस्कारबाट पोखरेललाई सम्मान गरेको हो । पोखरेल हिमशिखर टेलिभिजनका चितवन सम्वाददाता समेत हुन् ।   

Comments