• Radio Himshikhar
  • kankai Bikash Bank
News Updates
  • इलामको पूर्वी भारतीय सिमामा सशस्त्र प्रहरी परिचालन हुने, आपराधिक गतिविधि नियन्त्रण गर्ने उदेश्य
  • जलवायू परिवर्तन निराकरणका उपायहरू खोज्न विज्ञहरुलाई राष्ट्रपति विद्यादेवी भण्डारीको सुझाब
  • अमेरिकी सर्वाेच्च अदालतको न्यायाधीशमा ब्रेट क्याभानो नियुक्त
  • देशमा संविधान भन्दा ठूलो शक्ति नभएको पूर्वसभामुख सुवासचन्द्र नेम्वाङको भनाइ
  • जनयुद्धकालमा विस्थापित सप्तरीका छोटी भन्सार पुर्नस्थापना भएनन्, तस्करी बढ्यो
राष्ट्रिय
प्रदेश १ लाई जातिय उत्पीडन मुक्त प्रदेश बनाउने :मन्त्रि घिमिरेले
प्रकाशित मिति: सोमबार, बैशाख ३, २०७५

इटहरी ३ बैशाख । एक नम्बर प्रदेशका सामाजिक विकास मन्त्रि जिवन घिमिरेले एक नम्बर प्रदेशलाई जातिय उत्पीडन मुक्त प्रदेश बनाउन प्रदेश सरकारले तयारी गरिरहेको बताउनुभएको छ ।

जातिय  विभेद र उत्पीडन लाई पूर्ण रुपमा हटाउन कति समय लाग्छ र त्यसका लागि के कस्ता पक्षहरुसँग काम गर्नुपर्छ भनेर आन्तरिक रुपमा तयारी भईरहेको उहाँले जानकारी दिनुभयो ।

इटहरीमा आयोजित विश्वकर्मा समाजको एक नम्बर प्रदेश भेलालाई सम्बोधन गर्दै सामाजिक विकास मन्त्री घिमिरेले प्रदेश सरकारले आफ्नै कार्यकाल भित्रमा जातिय विभेद मुक्त प्रदेश देख्न सक्ने बताउनुभयो ।

विगतको तुलना सामाजिक विभेद कम हुँदै आएको तर कानुनको कार्यान्वयन पक्ष फितलो हुँदा पूर्ण कार्यान्वयन भने हुन नसकेको उहाँले बताउनुभयो । प्रदेशले यस अघिको कानुन र प्रदेशले निर्माण गर्ने कानुनको पूर्ण कार्यान्वयन गराउने पनि बचन  पनि दिनुभयो ।

 देशमा विभिन्न जातिय संस्थाहरु धेरै खुलेको भन्दै मन्त्रि घिमिरेले जातिय अतिवादीको भने विरोध गर्नुपर्ने बताउनुभयो ।

आजबाट इटहरीमा सुरु भएको प्रदेश स्तरीय भेला २ दिन सम्म चल्नेछ । विश्वकर्मा समाजले दुई सम्म भेला गरी आएका मुद्धाहरुलाई प्रदेश सरकारसँग माग पेश गर्ने समाजले जानकारी दिएको छ ।

Comments