• Radio Himshikhar
  • kankai Bikash Bank
News Updates
  • इलामको पूर्वी भारतीय सिमामा सशस्त्र प्रहरी परिचालन हुने, आपराधिक गतिविधि नियन्त्रण गर्ने उदेश्य
  • जलवायू परिवर्तन निराकरणका उपायहरू खोज्न विज्ञहरुलाई राष्ट्रपति विद्यादेवी भण्डारीको सुझाब
  • अमेरिकी सर्वाेच्च अदालतको न्यायाधीशमा ब्रेट क्याभानो नियुक्त
  • देशमा संविधान भन्दा ठूलो शक्ति नभएको पूर्वसभामुख सुवासचन्द्र नेम्वाङको भनाइ
  • जनयुद्धकालमा विस्थापित सप्तरीका छोटी भन्सार पुर्नस्थापना भएनन्, तस्करी बढ्यो
मोफसल समाचार
तेह्रथुममा विपन्न परिवारलाई जस्तापाता बितरण
प्रकाशित मिति: मंगलबार, चैत्र २७, २०७४

तेह्रथुम २७ चैत्र । तेह्रथुमको म्याङलुङ्ग नगरपालिका–७ ले वडाभित्रका आर्थिक रुपले विपन्न परिवारका सदस्यहरुलाई जस्तापाता, विद्युतीकरणका लागि मिटर बक्स र खानेपानी तथा सिंचाईका लागि पाइप वितरण गरेको छ । 

वडा कार्यालयमा एक कार्यक्रमको आयोजना गरी वडा क्षेत्रका ३ परिवारलाई जस्तापाता वितरण गरेको हो । वडा कार्यालयमा भएको कार्यक्रममा नगरपालिकाका प्रमुख सन्जयकुमार तुम्बाहाम्फेले वडा भित्रका विपन्न ठहरिएका मनबहादुर विक, देवीमाया विक र कुमारी दर्जीलाई प्रति परिवार १० हजार रुपैयाँ बराबरका जस्तापाता वितरण गर्नुभयो ।

यस्तै विद्युतीकरणका लागि आर्थिक विपन्नताका कारण समस्या बेहोरिरहेका हेमबहादुर लिम्बु, तिलबहादुर विक, हर्कबहादुर लिम्बु, सुमित्रा माझी र जयबहादुर खड्कालाई प्रतिपरिवार ६ हजार रुपैयाँ बराबरका मिटर बक्स, तार लगायतका विद्युतीकरणका सामाग्रीहरु वितरण गरीएको छ ।

यस्तै विभिन्न १६ परिवार लाभान्वित हुनेगरी साना सिंचाई तथा खानेपानीका लागि पाइप वितरण गरिएको वडा सचिव राम भट्टराईले बताउनुभयो । 

Comments