• पर्दाफास कालो कर्तुतको, जहा अत्याचार, त्याहा खबरदार  सत्य ओकल्ने हाम्रो प्रयास  निरन्तर मोफशलबाट खबरदारी  फोकश न्युज ।
  • Radio Himshikhar
News Updates
  • झापाको दमकमा १२ हजार बढी बालबालिकाले लगाए कोरोना विरुद्धको खोप
  • आज सुनको मूल्य घट्यो, तोलामा २ सयले घटेर ९२ हजार ५ सय रुपैया“मा कारोबार ।
  • आज विश्व क्यान्सर दिवस, क्यान्सरको उपचारमा पहुचको दूरीलाई बन्द गरौ’ भन्ने नाराका साथ दिवस मनाइदै ।
  • सोलुखुम्बुको सल्लेरी लगायतका क्षेत्रमा भारी हिमपात, सडक सञ्जाल ठप्प ।
  • काठमाण्डौ उपत्यकासहित देशभर बर्षा, पहाडी तथा हिमाली भेगका केही ठाउमा हिमपात
बिजनेस
एक्सेल बैकले पाँचथर र सुनसरीमा पनि कारोबार गर्ने अनुमती पायो
रविन भट्टराई प्रकाशित मिति: शुक्रबार, चैत्र २३, २०७४

बिर्तामोड,२३ चैत । प्रदेश नं. १ को झापा सहित तीन जिल्लालाई मात्र कार्यक्षेत्र बनाएर काम गरीरहेको (ख) वर्गको एक्सेल डेभलपमेन्ट बैकले थप दुई जिल्लामा कार्य क्षेत्र बिस्तार गर्ने भएको छ । 

झापा, ईलाम र मोरङ जिल्लामा मात्र बैंकिङ कारोबार गर्दै आएको एक्सेल बैंकले पाँचथर र सुनसरीमा पनि कार्यक्षेत्र बिस्तार गर्दै कारोबार गर्न बिषेश साधारणसभाले नियमावली संसोधन गरेको हो । 

शुक्रबार बिर्तामोडमा भएको बैंकको सेयरधनी र सञ्चालक सहितको विषेश साधारणसभाबाट बितिय कारोबार नियमावली र प्रवन्धक पत्र संसोधन गरीएको र अब संसोधन सँगै दुई जिल्लामा पनि शाखा बिस्तार गर्दै कारोबार गर्ने बाटो खुलेको अध्यक्ष हेमराज ढकालले बताए । 

नेपाल बैंक लिमिटेडबाट स्विकृती लिई विषेश साधारणसभाले नियमावली संसोधन गर्दै कार्यक्षेत्र बिस्तार गर्न सक्ने नियम भएकाले सोहि अनुरुप दुई जिल्लामा पनि कार्यक्षेत्र बिस्तार गर्न लागिएको अध्यक्ष ढकालको भनाई छ । 

झापाको बिर्तामोडमा मुख्य कार्यालय रहेको यस बैंकले हाल झापा, इलाम र मोरङका विभिन्न २१ स्थानमा अवस्थित शाखा कार्यालयहरु मार्फत ग्राहक समक्ष बैंकिङ सेवा प्रदान गरिरहेको र अब थप दुई जिल्ला गरी २३ स्थानबाट कारोबार गर्ने सञ्चालक समिति सचिव स्याम बहादुर बोहोराले बताए । 

देश संघियतामा गएको र प्रत्येक स्थानिय तहका केन्द्र सम्म बैंक तथा बितिय संस्था पु¥याउने नेपाल सरकारको लक्षलाई साथ दिन पनि आफुहरुले कार्यक्षेत्र बिस्तार गरेको सचिव बोहोराको भनाई छ । 

एक्सेल बैंक लिमिटेडको हाल ३५ जना प्रमोटर सदस्यहरु रहेका छन् भने बैंकले गत आर्थिक वर्ष ०७३।०७४ मा १५ करोड ४ लाख ४९ हजार रुपैयाँ खुद मुनाफा गर्न सफल भएको सञ्चालक गणेश खनालले बताए । यस बैंकको हाल सम्म लगानीमा रहिरहेको कर्जा ३ अर्ब ९३ करोड रहेको छ भने निक्षेप संकलन ४ अर्व ५१ करोड रहेको बताईएको छ । 

यसैबिच एक्सेल बैकले आफ्नो सामाजिक उत्तरदायित्व अन्तर्गत नेपाल पत्रकार महाँसंघ झापा शाखाले सुरु गरेको पत्रकार सहारा उपचार कोषका लागि १ लाख १ हजार रुपैयाँको चेक समेत झापा शाखालाई हस्तान्तरण गरेको छ । 

शाखाका उपाध्यक्ष एकराज गिरी र पत्रकारमहाँसंघका संस्थापक महासचिव चन्द्र भण्डारीलाई बैंकका अध्यक्ष हेमराज ढकालले बैकको विषेश साधारण सभाको अवसर पार्दै सो चेक हस्तान्तरण गरेका हुन् । महाँसंघको सो उपचार कोषमा हाल सम्म ३५ लाख रुपैयाँ जम्मा भईसकेको पत्रकार महाँसंघका उपाध्यक्ष गिरीले बताए । 
 

Comments