• Radio Himshikhar
  • kankai Bikash Bank
News Updates
  • डाेटीमा जीप दुर्घटनामा परी मृत्यु हुनेको संख्या संख्या ५ पुग्याे
  • सिरियामा रासायनिक हतियार प्रयोग भए नभएको बारे अनुसन्धान सुरु—विज्ञहरु नमूना संकलन गरी परिक्षणमा
  • संखुवासभाको टुटे देउराली देखि मुढे शनिश्चरेसम्मको सडक हिलाम्मे ,यात्रुहरु जोखिमपुर्ण यात्रा गर्न बाध्य
  • एकीकृत पार्टीको चुनाव चिन्ह सूर्य राख्न नेकपा माओवादी केन्द्र सहमत—जनयुद्धबारे भने महाधिवेशनमा टुंगो लगाइने
  • प्रदेश नम्बर १ को सरकार संचालनका लागि कानून बन्दै
अन्तर्राष्ट्रिय
फेसबुकका ८ करोड ७० लाख प्रयोगकर्ताको गोप्य विवरण दुरुपयोग
प्रकाशित मिति: बिहीबार, चैत्र २२, २०७४

एजेन्सी । केम्ब्रिज एनालिटिक नामक एक राजनीतिक परामर्श संस्थाले ८ करोड ७० लाख प्रयोगकर्ताका विवरण अनधिकृत रुपमा दुरुपयोग गरेको सामाजिक सञ्जाल फेसबुकले जनाएको छ । 

ती मध्ये ११ लाख प्रयोगकर्ता बेलायतका रहेको फेसबुकका प्रमुख मार्क जुकरबर्गले बताएका छन् । यसअघि सो संस्थाले ५ करोड प्रयोगकर्ताको विवरण दुरुपयोग गरिएको बताइएपनि पहिलेभन्दा निकै बढी विवरण दुरुपयोग भएको पाइएको फेसबुकले जनाएको छ ।

जुकरवर्गले फेसबुकलाई सुरक्षित बनाउन थप काम गर्ने र आफ्नो जिम्मेवारीको दायरा समेत बढाउने बताएका छन्  । प्रयोगकर्ताका सूचना चुहावट हुने फिचर बन्द गरिसकेको भएपनि फेसबुकलाई कसरी प्रयोग गर्ने भन्ने विषय प्रयोगकर्तामा निर्भर रहने भएकाले यसमा सचेत बनाउने जिम्मेवारी लिनुपर्ने  उनले बताएका छन् ।

फेसबुकमा राखेका व्यक्तिगत विवरणहरूको प्रयोग तेस्रो पक्षले कसरी गरिरहेको छ भन्नेबारे पनि फेसबुकका अधिकारीहरुले सचेत गराइरहेको भन्दै पछिल्लो प्रकरणका विषयमा आन्तरिक छानबिन सुरु गरिसकेको जुकरवर्गले जानकारी दिएका छन् ।

केम्ब्रिज एनालिटिका’ सन् २०१६ मा अमेरिकामा भएको राष्ट्रपतीय निर्वाचनमा डोनाल्ड ट्रम्पको जितका लागि खेलेको भूमिकाका लागि चर्चित भएको थियो । निर्वाचनताका सो कम्पनीले अमेरिकी मतदाताका विविध पक्षबारे तथ्यांक उपलब्ध गराएको थियो ।

Comments