• Radio Himshikhar
  • kankai Bikash Bank
News Updates
  • इलामको पूर्वी भारतीय सिमामा सशस्त्र प्रहरी परिचालन हुने, आपराधिक गतिविधि नियन्त्रण गर्ने उदेश्य
  • जलवायू परिवर्तन निराकरणका उपायहरू खोज्न विज्ञहरुलाई राष्ट्रपति विद्यादेवी भण्डारीको सुझाब
  • अमेरिकी सर्वाेच्च अदालतको न्यायाधीशमा ब्रेट क्याभानो नियुक्त
  • देशमा संविधान भन्दा ठूलो शक्ति नभएको पूर्वसभामुख सुवासचन्द्र नेम्वाङको भनाइ
  • जनयुद्धकालमा विस्थापित सप्तरीका छोटी भन्सार पुर्नस्थापना भएनन्, तस्करी बढ्यो
अन्तर्राष्ट्रिय
बिदेशी कूटनीतिज्ञलाई आफ्नो देशबाट निष्कासन गर्ने रुसकाे घोषणा
प्रकाशित मिति: आइतबार, चैत्र १८, २०७४

एजेन्सी । रुसले थप २३ देशका ५९ कूटनीतिज्ञलाई आफ्नो देशबाट निष्कासन गर्ने घोषणा गरेको छ । जस्तालाई त्यस्तै व्यवहार गर्नुपर्ने निश्कर्ष निकाल्दै रुसले आफ्नो देशमा रहेका विदेशी कूटनीतिज्ञलाई निष्कासन गर्न लागेको हो । 

दुई बेलायती नागरिकमाथि रासायनिक अस्त्र हमलाको आरोपमा अमेरिकाले ६० रुसी कूटनीतिज्ञलाई देश निकाला गर्ने निर्णय लिएको थियो । त्यसैको जवाफमा रुसले पनि अमेरिकी कूटनीतिज्ञलाई देश छाड्न आदेश दिएको थियो ।

त्यसपछि फेरि रुसी विदेश मन्त्रालयले अरु देशका कूटनीतिज्ञलाई पनि देश निकाला गर्ने घोषणा गरेपछि रुस र बाँकी विश्वबीच कूटनीतिक सम्बन्धमा थप कटूता उत्पन्न हुने देखिएको छ ।

रुसका पूर्वकूटनीतिज्ञ सेर्गेई स्क्रिपाल र उनकी छोरी युलिआको हत्या प्रकरणमा रूस नै दोषी रहेको आरोप लगाउँदै अमेरिका सहितका केही देशले रुसका कूटनीतिज्ञलाई देश निकाला गरेका थिए ।

यसै विषयमा विश्वका २४ राष्ट्रले एक सयभन्दा बढी रूसी कूटनीतिज्ञलाई फिर्ता पठाएपछि रुष्ट बनेको रुसले पनि पछिल्लो निर्णय लिएको हो । 

Comments