• Radio Himshikhar
  • kankai Bikash Bank
News Updates
  • डाेटीमा जीप दुर्घटनामा परी मृत्यु हुनेको संख्या संख्या ५ पुग्याे
  • सिरियामा रासायनिक हतियार प्रयोग भए नभएको बारे अनुसन्धान सुरु—विज्ञहरु नमूना संकलन गरी परिक्षणमा
  • संखुवासभाको टुटे देउराली देखि मुढे शनिश्चरेसम्मको सडक हिलाम्मे ,यात्रुहरु जोखिमपुर्ण यात्रा गर्न बाध्य
  • एकीकृत पार्टीको चुनाव चिन्ह सूर्य राख्न नेकपा माओवादी केन्द्र सहमत—जनयुद्धबारे भने महाधिवेशनमा टुंगो लगाइने
  • प्रदेश नम्बर १ को सरकार संचालनका लागि कानून बन्दै
स्वास्थ्य
स्वास्थ्य केन्द्रमा प्राविधिक नहुँदा वर्षौँदेखि एक्स–रे मेसिन प्रयोगविहीन
प्रकाशित मिति: शनिबार, चैत्र १०, २०७४

 तेह्रथुम १० चेत्र । तेह्रथुमको आठराई गाउँपालिकास्थित सक्रान्ति बजार प्राथमिक स्वास्थ्य केन्द्रमा प्राविधिक नहुँदा नौ वर्षदेखि एक्स–रे मेसिन प्रयोगविहीन अवस्थामा थन्किएको छ 

एक्स रे सेवा सन्चालन गर्न प्राविधिकको माग गर्दै आएको केन्द्रकालागि यो वर्ष पुनः स्वास्थ्य सेवा विभागले एक्स–रे मेसिन नै उपलब्ध गराएको छ । अहिले स्वास्थ्य केन्द्रमा दुई वटा एक्स रे मेसिन रहेका छन् । तर केन्द्रमा अहिलेसम्म न त दक्ष प्राविधिकको दरबन्दी छ, न त तालिमप्राप्त कर्मचारी नै ।

स्वास्थ्य सेवा महाशाखाले २०६५ सालमा पठाएको एक्स–रे मेसिन प्रयोगमा नआई फेरि नयाँ मेसिन प्राप्त भएको केन्द्र व्यवस्थापन समितिका पुर्वअध्यक्ष कमल माबोले बताउनुभयो । मेसिन भएर पनि प्रयोगमा नआउँदा तेह्रथुमको आठराई र फेदाप तथा ताप्लेजुङको आठराई त्रिवेणी गाउँपालिकाका बासिन्दा सो सेवा लिनबाट बञ्चित हुदै आएकाछन् ।

यहाँका बासिन्दा एक्स रे सहितको भरपर्दो स्वास्थ्य सेवाका लागि पाँचथर हुँदै झापा, मोरङ र सुनसरीका सुविधासम्पन्न अस्पतालसम्म पुग्न बाध्य रहेका छन् । विद्युतको समस्या भएपछि स्थानीयहरुले नगद संकलन गरेर पाँच किलोवाटको जेनेरेटर समेत खरिद गरेर केन्द्रलाई उपलब्ध गराएका थिए ।

स्वास्थ्य सेवाको व्यवस्थापन समेत स्थानीय तहको जिम्मामा छ । तर केन्द्रमा रहेका एक्स–रे मेसिन सन्चालन गर्न आठराई गाउँपालिकाले कुनै चासो नदेखाएको स्थानीयको गुनासो रहेको छ ।

Comments