• Radio Himshikhar
  • kankai Bikash Bank
News Updates
  • इलामको पूर्वी भारतीय सिमामा सशस्त्र प्रहरी परिचालन हुने, आपराधिक गतिविधि नियन्त्रण गर्ने उदेश्य
  • जलवायू परिवर्तन निराकरणका उपायहरू खोज्न विज्ञहरुलाई राष्ट्रपति विद्यादेवी भण्डारीको सुझाब
  • अमेरिकी सर्वाेच्च अदालतको न्यायाधीशमा ब्रेट क्याभानो नियुक्त
  • देशमा संविधान भन्दा ठूलो शक्ति नभएको पूर्वसभामुख सुवासचन्द्र नेम्वाङको भनाइ
  • जनयुद्धकालमा विस्थापित सप्तरीका छोटी भन्सार पुर्नस्थापना भएनन्, तस्करी बढ्यो
स्वास्थ्य
वीपी प्रतिष्ठान धरानले थप ५० शैय्याको आकस्मिक कक्ष विस्तार गर्ने
प्रकाशित मिति: शुक्रबार, चैत्र ९, २०७४

धरान । सुनसरीको धरानस्थित वीपी कोइराला स्वास्थ्य विज्ञान प्रतिष्ठानले थप ५० शैय्याको आकस्मिक कक्ष विस्तार गर्ने तयारी गरेको छ । अन्तर्राष्ट्रिय मापदण्ड अनुसार नयाँ डिजाइन र भौतिक संरचना बिस्तार गर्ने योजना प्रतिष्ठानको कार्यकारिणी समिति र सिनेटले पास गरेको छ ।

बिरामीको चाप र जनशक्तिलाई ध्यान दिँदै डिजाइन र भौतिक संरचनासहित प्रतिष्ठानको आकस्मिक कक्षमा आधुनिक उपकरणसहित थप शैय्या बिस्तार गर्न लागिएको प्रतिष्ठानले जनाएको छ । यसअघि प्रतिष्ठानले मुख्य आकस्मिक कक्षमा बिरामीको चाप बढेकै कारण स्त्री तथा प्रसूति, बालरोग सम्बन्धी आकस्मिक कक्ष बिस्तार गरिसकेको छ ।

मुख्य आकस्मिक कक्षमा उपचार गर्न आउने बिरामीको चाप नघटेपछि थप आकस्मिक कक्ष बिस्तार गर्ने निर्णय गरेको उपकुलपति प्रा. डा. राजकुमार रौनियारले बताउनुभयो । अस्पताल निर्देशक प्रा. डा. गौरीशंकर साहले पूर्वमा अधिकांश जिल्ला बिरामी आउने र हाल रहेको आकस्मिक कक्षा सांघुरिएकाले आधुनिक उपकरणसहित आकस्मिक कक्ष बिस्तार गर्न लागिएको बताउनुभयो ।

Comments