• Radio Himshikhar
  • kankai Bikash Bank
News Updates
  • कावेली कोरीडोरमा उत्पादित विद्युतको क्षमता बढाउनका लागि नयाँ ट्रान्सफर्मर जडानको तयारी
  • रसियामा जारी विश्वकप फुटबलमा आज ब्राजिल र कोष्टारिकाबीच प्रतिस्पर्धा हुँदै
  • रुकुम पूर्वको सिस्ने गाउँपालिका ५ मा गाडी दुर्घटना हुँदा ९ जना घाईते
  • युरोप प्रवेश गर्ने गैरकानुनी आप्रवासीलाई नियन्त्रण गर्नुपर्ने इटलीको जोड
  • अमेरिकी राष्ट्रपति ट्रम्पद्वारा आप्रवासी नीतिमा फेरबदल, परिवारदेखि बच्चा अलग गराउने नीतिको सर्वत्र आलोचना पछि निर्णय फिता
राष्ट्रिय
व्यवसायी हत्याको विरोधमा बिर्तामोड बजार बन्द, तीन पक्राउ
रविन भट्टराई प्रकाशित मिति: मंगलबार, फाल्गुण २९, २०७४

बिर्तामोड,२९ फागुन । बिर्तामोडका सुनचाँदी व्यवसायी साजन मुखियाको हत्याको विरोधमा मंगलबार बिर्तामोडका व्यवसायीले बजार बन्द गरेका छन् । 

बिर्तामोड उद्योग बाणिज्य संघको आह्वानमा मंगलबार एक दिनका लागि बिर्तामोड बजार बन्द गरिएको हो । संघका अध्यक्ष कुमार भट्टराईले व्यवसायी हत्याको विरोधमा बजार बन्द गरिएको बताए ।

फागुन २० गतेदेखि सम्पर्कविहीन भएका मुखियाको शव सोमबार इलामको रोङ गाउँपालिका–३ स्थित कोल्बुङमा हात पछाडि बाँधेर बोरामा हालेर फ्याँकिएको अवस्थामा फेला परेको सुनचाँदी व्यवसायी संघका अध्यक्ष राजु धमलाले बताए । 

यता, घटनामा संलग्न भएको अभियोगमा प्रहरीले केहि सुनचाँदी व्यवसायी सहित तीन जनालाई पक्राउ गरेको छ । घटनाको अनुसन्धान पूरा भएपछि पक्राउ परेकाको नाम पत्रकार सम्मेलन मार्फत् मंगलबार दिउँसो सार्वजनिक गरिने इलाका प्रहरी कार्यालय बिर्तामोडका प्रहरी प्रमुख डिएसपि कृष्णप्रसाद कोईरालाले बताए 
 

Comments