• Radio Himshikhar
  • kankai Bikash Bank
News Updates
  • अमेरिकाको एक कोइलाखानीमा पाच दिनदेखि फसेका तीन जना कामदारको सकुसल उद्धार
  • दाङमा गएराती एक घरमा आगलागी, एकै परवारका तीन जनाको जलेर मृत्यु
  • टर्कीमा रेल दुर्घटना हुँदा कम्तीमा नौ जनाको मृत्यु, दुर्घटनामा दर्जनौ घाईते
  • झापा शिवसताक्षीको कृषि पर्यटन तथा सिमसार क्षेत्र बिकासको अभावमा ओझेलमा
  • झापाकाे कमल गाँउपालिकामा सवारी दुर्घटना परि दु्ई जना घाइते
राष्ट्रिय
प्लेन दुर्घटनामा परेर निधन भएकाहरुको शव आफन्तलाई बुझाइने प्रक्रिया सुरु
प्रकाशित मिति: मंगलबार, फाल्गुण २९, २०७४

काठमाण्डौ २९ फागुन । युएस बंगाल एयरलाइन्सको विमान दुर्घटनामा परेर निधन भएकाहरुको शव आजबाट आफन्तलाई बुझाइने प्रक्रिया सुरु हुने भएको छ ।

काठमाडौंको त्रिभुवन अन्तर्राष्ट्रिय विमानस्थलमा हिजो भएको विमान दुर्घटनामा ४९ जनाको मृत्यु भएको थियो ।

दुर्घटनामा निधन भएकाहरुको शव महाराजगन्जस्थित त्रिवि शिक्षण अस्पतालमा राखिएको छ ।

प्रक्रिया पूरा गरेर शवहरु आफन्तको जिम्मा लगाइने प्रहरीले जनाएको छ । शिक्षण अस्पतालमा मृतकका आफन्तहरुको भीड लागेको छ । दुर्घटनामा घाइते भएका २२ जनाको भने काठमाडौंका विभिन्न अस्पतालमा उपचार भइरहेको छ ।

घाइतेमध्ये ११ जना नेपाली र बाँकी ११ जना अन्य देशका नागरिक भएको प्रहरीले जनाएको छ ।

दुर्घटनाको छानबिन गर्न सरकारले पूर्वसचिव यज्ञप्रसाद गौतमको नेतृत्वमा आयोग समेत गठन गरेको छ ।

Comments