• Radio Himshikhar
  • kankai Bikash Bank
News Updates
  • कावेली कोरीडोरमा उत्पादित विद्युतको क्षमता बढाउनका लागि नयाँ ट्रान्सफर्मर जडानको तयारी
  • रसियामा जारी विश्वकप फुटबलमा आज ब्राजिल र कोष्टारिकाबीच प्रतिस्पर्धा हुँदै
  • रुकुम पूर्वको सिस्ने गाउँपालिका ५ मा गाडी दुर्घटना हुँदा ९ जना घाईते
  • युरोप प्रवेश गर्ने गैरकानुनी आप्रवासीलाई नियन्त्रण गर्नुपर्ने इटलीको जोड
  • अमेरिकी राष्ट्रपति ट्रम्पद्वारा आप्रवासी नीतिमा फेरबदल, परिवारदेखि बच्चा अलग गराउने नीतिको सर्वत्र आलोचना पछि निर्णय फिता
अन्तर्राष्ट्रिय
भारतीय अभिनेत्री श्रीदेवीको दुवईमा निधन
प्रकाशित मिति: आइतबार, फाल्गुण १३, २०७४

 भारतीय अभिनेत्री श्रीदेवीको ५४ वर्षको उमेरमा गएराति दुबईमा निधन भएको छ । भारतीय मिडियाका अनुसार ह्रदयघातका कारण उनको मृत्यु भएको हो ।

मृत्युको बेला उनका पति बोनी कपूर र छोरी खुशी पनि साथै रहेको बताइएको छ । उनकी ठूली छोरी जाह्नवी भने सुटिङमा व्यस्त भएका कारण दुबई गएकी थिइनन्।  आफ्नो परिवारसँग दुबईमा एउटा बिहे समारोहमा सहभागी हुन गइरहेकी श्रीदेवीलाई त्यहीँ शनिबार राति करिब ११ बजे हर्ट अट्याक भएको थियो ।

उनको निधनको खबर पाउने बित्तिकै बलिउडका स्टारहरुले सोसल मिडियामा श्रद्धाञ्जलि दिन थालेका थिए ।  श्रीदेवीलाई बलिउडकी पहिलो महिला सुपरस्टारका रुपमा पनि चिनिन्छ ।

बाल कलाकारका रुपमा फिल्मी करिअर सुरु गरेकी उनले हिन्दी फिल्ममा अभिनय गर्नुभन्दा पहिला तामिल, तेलुगु, मल यालम र कन्नड फिल्ममा पनि काम गरेकी थिइन्। २०१३ मा उनलाई भारत सरकारले पद्मश्री सम्मान गरेको थियो । ९० को दशकका उनका फिल्म चाँदनी, लम्हेँ, मिस्टर इन्डिया, नगिना सुपर हिट थिए ।

बलिउडमा लामो समयपछि उनले इंग्लिस विंग्लिस फिल्मबाट शानदार कमब्याक गरेकी थिइन्। उनको अन्तिम फिल्म माम भने २०१७ मा रिलिज भएको थियो । 

Comments