• Radio Himshikhar
  • kankai Bikash Bank
News Updates
  • मुआब्जा विवादले मेची–महाकाली रेलमार्ग निर्माणमा ढिलाइ
  • हात्तीको आक्रमणमा परि झापाको बिर्तामोडमा २ जनाको मृत्यु
  • नेपाली क्रिकेट टोली विश्वकपको छनोट खेल्न आज जिम्बाबे जाँदै
  • अमेरिकी राष्ट्रपति ट्रम्पद्वारा उत्तर कोरियाविरुद्ध हालसम्मकै कडा नाकाबन्दी लगाउने घोषणा
  • आजदेखि झापा सहित २४ जिल्लामा हात्ती पाईले रोग बिरुद्धको औषधी खुवाईदै
राष्ट्रिय
नेपाली व्यवसायी धराशायी हुने कुनै पनि विदेशी संस्थालाई स्थापना गर्न नदिने : प्रचण्ड
आनन्द पोखरेल  प्रकाशित मिति: शनिबार, माघ २७, २०७४

चितवन, २७ माघ । नेपाल अण्डा उत्पादक संघको केन्द्रीय कार्यालले भरतपुरको रामनगरमा निर्माण गर्न लागेको भवनको शिलान्यास गरिएको छ । पूर्व प्रधानमन्त्री एवम् नेकपा माओवादी केन्द्रका अध्यक्ष पुष्पकमल दाहालले उक्त भवनको शनिबार शिलान्यास गर्नुभएको हो ।

भवनको शिलान्यास गर्दै दाहालले नेपाली व्यवसायी धराशायी हुने गरेर कुनै पनि विदेशी संघसंस्थालाई नेपालमा स्थापना गर्न नदिने उल्लेख गर्नुभयो । भवन शिलान्यासका कार्यक्रममा प्रदेश नम्बर ३ अन्तर्गतको भूमि व्यवस्थापन कृषि विकास र सहकारी मन्त्रालयका सचिव डाक्टर वंशी शर्माले पोल्ट्री क्षेत्रमा नेपाल आफै सक्षम भएकोले कुनै पनि विदेशी उद्योगलाई यहाँ स्थापना गर्न नदिन आफू लागिपरेको बताउनुभयो ।

पोल्ट्री क्षेत्रमा विदेशी उद्योग ल्याउनको लागि केही व्यक्तिहरु तयारी भएकोले सधैँ चनाखो हुनुपर्ने शर्माको भनाइ छ । 

नेपाल भरीका सात सय जना सदस्य रहेको नेपाल अण्डा उत्पादक संघले भरतपुरमा तीन कठ्ठा तीन धुर जमिनमा दुई तले भवन निर्माण गर्न लागेको हो । ७५ लाख रुपैयाँ लागतमा भवन निर्माण गर्न लागिएको संघका महासचिव त्रिलोचन भट्टराईले जानकारी दिनुभयो । 

Comments