• Radio Himshikhar
  • kankai Bikash Bank
News Updates
  • एन्फाद्वारा विधान संशोधन सहित विभिन्न विषयमाथी साधारणसभामा छलफल,
  • उदयपुरको बेलटारमा सौर्य उर्जा प्रणाली जडान गरिएपछि खानेपानीको सहज आपूर्ति, स्थानीयलाई राहात
  • सप्तकोशी नदिमा पानीकाे सहत पाँच बर्ष यताकै उच्च
  • अब विद्युतसँग सम्बन्धित सम्पुर्ण समाधान गौरादहमै
  • मोरङको लेटाङमा श‌खे किरा प्रतिकेजी रु २५ मा बिक्री
मोफसल समाचार
ताप्लेजुङमा स्नातकाेत्तर पढाईका लागि श्रीमद भागवत सप्ताह महायज्ञ सुरु
प्रकाशित मिति: बुधबार, माघ २४, २०७४

ताप्लेजुङ । झण्डै तिन दशक अघि स्थापना भएको जिल्लाकै पुराने पाथिभरा बहुमुखि क्याम्पसको स्तरउन्नतीका लागि आजबाट श्रीमद भागवत सप्ताह ज्ञान महायज्ञ सुरु भएको छ । 

क्याम्पसको भौतिक पूर्वाधार तथा संकाय थप गर्दै तह बृद्धिका लागि आजवाट सप्ताह संगीतमय श्रीमद भागवत ज्ञान माहायज्ञ शूरुभएको हो ।  माहायज्ञको पहिलोदिन सदरमुकाम फुङलिङमा शोभाकलस यात्रा गरिएको छ ।

फुङलिङ नगरपालिकाको वडा नं ६ को पाथिभरा मन्दिरवाट सुरु भएको कलस यात्रा विरेन्द्र चौक, किराँतेश्वर मन्दिर तोक्मे डाँडा, पुरानो वैङ्क, वुद्ध चौक हुँदै क्याम्पस पुगेर महायज्ञको औपचारीक सुरुवात गरिएको क्याम्पस प्रमुख मोहन राईले जानकारी दिनुभयो ।

कलस यात्रामा विभिन्न जातजातिको झाँकि, विद्यार्थी, नगरवासी, प्राध्यापकहरुको उपस्थिति रहेको थियो । अहिले सम्म पनि सिङ्गो ताप्लेजुङ जिल्लामा स्नातकोत्तर पढाई हुने क्याम्पस नभएकाले स्नातकोत्तर पढाई गर्न आर्थिक संकलनको लागि महायज्ञको आयोजना गरिएको क्याम्पस सञ्चालन समितिका अध्यक्ष गजेन्द्र तुम्याङ्ले वताउनु भयो । 

महायज्ञबाट संकलित रकमले शिक्षा शास्त्र संकाय तर्फ स्नातकोतर तह संञ्चालन गर्ने र जिर्ण भएका भवन निर्माण गर्ने तयारी रहेको  वताईएको छ । महायज्ञमा पंण्डित रमेश कोईरालाले कथा बाचन गर्नुहुने भएको छ ।

संकाय र तह थप नगर्दा हाल पाथिभरा बहुमुखि क्याम्पसमा विद्यार्थीहरुले स्नातक सम्म मानविकी, शिक्षाशास्त्र र व्यवस्थापन संकाय मात्र अध्यायन गर्नुपर्ने बाध्यता रहेको छ ।

Comments