• Radio Himshikhar
  • kankai Bikash Bank
News Updates
  • इलामको पूर्वी भारतीय सिमामा सशस्त्र प्रहरी परिचालन हुने, आपराधिक गतिविधि नियन्त्रण गर्ने उदेश्य
  • जलवायू परिवर्तन निराकरणका उपायहरू खोज्न विज्ञहरुलाई राष्ट्रपति विद्यादेवी भण्डारीको सुझाब
  • अमेरिकी सर्वाेच्च अदालतको न्यायाधीशमा ब्रेट क्याभानो नियुक्त
  • देशमा संविधान भन्दा ठूलो शक्ति नभएको पूर्वसभामुख सुवासचन्द्र नेम्वाङको भनाइ
  • जनयुद्धकालमा विस्थापित सप्तरीका छोटी भन्सार पुर्नस्थापना भएनन्, तस्करी बढ्यो
अन्तर्राष्ट्रिय
अफगानीस्तानमा आत्माघाती आक्रमणमा मृत्यु हुनेको  सङ्ख्या ९५ पुग्याे
प्रकाशित मिति: आइतबार, माघ १४, २०७४

एजेन्सी । अफगानीस्तानको राजधानी काबुलमा शनिबार भएको आत्माघाती आक्रमणमा मृत्यु हुनेको  सङ्ख्या ९५ पुगेको छ । १ सय ५८ जनाभन्दा बढी घाइते भएका छन् ।

आक्रमणकारीले विस्फोटक पदार्थ भरेको एम्बुलेन्सलाई लगेर प्रहरीको चेकपोष्टमा विस्फोट गराएको बीबीसीले जनाएको छ । घटना त्यहाँको आन्तरिक मन्त्रालय नजिकै घटाउने योजना भएको हुनसक्ने आशंका गरिएको छ ।

युरोपियन युनीयन, अस्पताल र किनबेच गर्ने स्थान नजिकै गराइएको सो आक्रमण स्थानीय समयअनुसार शनिबार १२ बजेर १५ मिनेटमा भएको थियो । अफगान सरकारले सो घटनाको भर्सना गरेको छ । अमेरिकाका राष्ट्रपति डोनाल्ड ट्रपले घटनापछि तालिवान बिरुद्ध ठोस कदम चाल्नुपर्ने बताएका छन् ।

सयुक्त राष्ट्रसंघका महासचिव एन्टेरियो गुटेरेसले उक्त घटना मानवता बिरुद्ध भएको टिप्पणी गर्नुभएको छ । अफगानीस्तानमा गएको अक्टोबर महिनामा एक हप्ताभित्र १ सय ७६ जना अफगानिस्तानीले ज्यान गुमाएका थिए ।

त्यस्तै गएको मे महिनामा काबुलमै भएको आत्माघाती बम आक्रमणमा १ सय ५० जनाले ज्यान गुमाएका थिए । तालिवान विद्रोहीले आक्रमणको जिम्मेवारी लिएका छन् । यसअघि काबुलको एक सुविधा सम्पन्न होटलमा तालिवान विद्रोहीले गरेको आक्रमणमा २२ जनाको ज्यान गएको थियो ।

Comments