• Radio Himshikhar
  • kankai Bikash Bank
News Updates
  • डाेटीमा जीप दुर्घटनामा परी मृत्यु हुनेको संख्या संख्या ५ पुग्याे
  • सिरियामा रासायनिक हतियार प्रयोग भए नभएको बारे अनुसन्धान सुरु—विज्ञहरु नमूना संकलन गरी परिक्षणमा
  • संखुवासभाको टुटे देउराली देखि मुढे शनिश्चरेसम्मको सडक हिलाम्मे ,यात्रुहरु जोखिमपुर्ण यात्रा गर्न बाध्य
  • एकीकृत पार्टीको चुनाव चिन्ह सूर्य राख्न नेकपा माओवादी केन्द्र सहमत—जनयुद्धबारे भने महाधिवेशनमा टुंगो लगाइने
  • प्रदेश नम्बर १ को सरकार संचालनका लागि कानून बन्दै
राष्ट्रिय
बहसका लागि डा केसी अदालतमा उपस्थित
प्रकाशित मिति: बुधबार, पौष २६, २०७४

काठमाण्डौ २६ पुस  अदालतको अवहेलना मुद्दा खेपिरहेका डा. गोविन्द केसी सर्वोच्च अदालत पुग्नुभएको छ ।  आज हुने बहसका लागि डा केसी अदालत उपस्थित हुनुभएको हो । डाक्टर गोविन्द केसीको अदालतको अवहेलनासम्बन्धी मुद्दामा सर्वोच्च अदालत सुनुवाइ पनि आजै हुँदैछ ।

अदालतको मानहानिको विषयमा केसीको पक्ष र विपक्षमा कानुन व्यवसायीहरुले बहस गर्न बाँकी रहेकाले सुनुवाइ हुन लागेको हो । केसीको तर्फबाट अधिवक्ता सुरेन्द्र भण्डारी र ओमप्रकाश अर्याल तथा विपक्षमा रमन श्रेष्ठले बहस गर्दै हुनुहुन्छ ।

न्यायाधीशहरु ओमप्रकाश मिश्र र केदारप्रसाद चालिसेको इजलासमा मंगलबार बयान गराइएको थियो । मंगलबारको बयानमा डा. केसीले आफूले अदालतको अवहेलना नगरेको तर प्रधानन्यायाधीश गोपाल पराजुलीले न्यायपालिकाको आस्था, गरिमा र स्वाधीनतालाई चुनौती दिएका कारणले उनीबाटै अवहेलना भएको बताउनुभएको थियो ।

केसीले प्रधानन्यायाधीशले दुई ठाउँबाट नागरिकता लिएको, उमेर सच्याएको, शैक्षिक प्रमाणपत्र नक्कली भएको, मेडिकल कलेजसम्बन्धी मुद्दाहरुमा विवादास्पद फैसला गरेको लगायतका आरोप लगाउनुभएको छ ।

Comments