• Radio Himshikhar
  • kankai Bikash Bank
News Updates
  • बिद्युत सुबिधा पाएपछि ओखलढुंगाको मानेभञ्ज्याङ बासीको मुहारमा खुसी
  • यातायात व्यवसायी महासंघकाे आन्दाेलन :सवारी साधन ग्यारेजमा थन्काउनेसम्मका कार्यक्रम
  • भारत पश्चिम बंगालमा तुफानमा परि ११ जनाको मृत्यु ,सडकमा समेत क्षती
  • प्रदेश एकको संसदमा स्थाई राजधानीको बिषय बल्ल प्रवेश, प्रतिपक्षीको सरकार प्रति असन्तुष्टि, सुरक्षा कमजोर भएकोमा चिन्ता
  • इलाम चुलाचुलीका १२ सय परिवार विद्युत उपयोगबाट बञ्चित, पोल पुग्यो, बिजुली पुगेन
बिजनेस
अकबरे खोर्सानीले राम्रो मुल्य नपाउदा तेह्रथुमका किसानलाई घाटा
प्रकाशित मिति: शुक्रबार, पौष २१, २०७४

तेह्रथुम । तेह्रथुममा उत्पादन भएको अकबरे खोर्सानीले राम्रो मुल्य नपाउँदा किसान चिन्तित बनेका छन् ।  वर्षेनि उत्पादन बढ्दै गएपनि बजार व्यवस्थापनका लागि कसैले चासो नदिँदा अकबरे खोर्सानीले बजार नपाएको किसानको गुनासो छ ।

बजार भाउ घटेपछि व्यवसायिक खेती गरिरहेकाहरु निराश बनेका छन् । गत वर्ष यो सिजनमा अकबरे न्युनतम ३ सय ५० रुपैयाँदेखि साढे पाँच सय रुपैयाँसम्ममा कारोबार भएको थियो । तर यो वर्ष हाल एक सय रुपैयाँदेखि एक सय पचास रुपैयाँमा मात्रै कारोबार भइरहेको छ ।

उत्पादन बढी भएपछि बजार मुल्य घटेको हुनसक्ने सुदापका किसान डिकबहादुर खड्काले बताउनुभयो ।  हरेक वर्ष अकबरे खोर्सानीको बजार जेठ मशान्तदेखि सुरु हुन्छ ।

यो वर्षपनि सुरुवातमा हरियो खोर्सानीको कारोबार ४ सय रुपैयाँ सम्म समेत भयो । तर यही सिजनमा ह्वात्तै घटेर अकबरेको मुल्य एक सय रुपैयाँमा झरेको हो । जिल्ला कृषि विकास कार्यालयका अनुसार गतवर्ष जिल्लामा १२ करोड रुपैयाँको अकबरे खुर्सानी उत्पादन भएको थियो । किसानले २५ हेक्टर जमीनमा लगाएको खेतीबाट ३ सय १२ मेट्रिक टन उत्पादन गरेका थिए । 

Comments