• Radio Himshikhar
  • kankai Bikash Bank
News Updates
  • इलामको पूर्वी भारतीय सिमामा सशस्त्र प्रहरी परिचालन हुने, आपराधिक गतिविधि नियन्त्रण गर्ने उदेश्य
  • जलवायू परिवर्तन निराकरणका उपायहरू खोज्न विज्ञहरुलाई राष्ट्रपति विद्यादेवी भण्डारीको सुझाब
  • अमेरिकी सर्वाेच्च अदालतको न्यायाधीशमा ब्रेट क्याभानो नियुक्त
  • देशमा संविधान भन्दा ठूलो शक्ति नभएको पूर्वसभामुख सुवासचन्द्र नेम्वाङको भनाइ
  • जनयुद्धकालमा विस्थापित सप्तरीका छोटी भन्सार पुर्नस्थापना भएनन्, तस्करी बढ्यो
बिजनेस
मूल्यवृद्धिसँगै नेपाल आयल निगमको पाक्षिक नाफा १३ करोड २० लाख
प्रकाशित मिति: बिहीबार, पौष २०, २०७४

२० पुस । पेट्रोलियम पदार्थको मूल्यवृद्धिसँगै नेपाल आयल निगमको पाक्षिक नाफा करिब २ करोडले रुपैयाँले बढेको छ । नयाँ मूल्यसूचीअनुसार निगमको पाक्षिक नाफा १३ करोड २० लाख पुगेको छ ।

यसअघि निगमको नाफा ११ करोड ३९ लाख थियो । भारतीय आयल कर्पाेरेशनले पठाएको नयाँ मूल्य सूचीअनुसार समायोजन गर्दा नाफा केही बढेको निगमका प्रबक्ता विरेन्द्र गोइतले जानकारी दिनुभयो ।

निगमले सोमबार राती १२ बजेदेखि लागु हुने गरी एलपी ग्यासको मूल्य  प्रतिसिलिन्डर २५ रुपैयाँ, पेट्रोल, डिजेल र मट्टितेलमा १र१ रुपैयाँ वृद्धि गरेको छ । यस्तै, हवाई इन्धनको मूल्य प्रतिलिटर ३ रुपैयाँले बढेको छ । बढेको मूल्यपछि निगमलाई पेट्रोलमा २ रुपैयाँ ८३ पैसा, डिजेलमा २ रुपैयाँ ७१ पैसा, मट्टीतेलमा १५ रुपैयाँ ८० पैसा नाफा छ ।

यस्तै, हवाई इन्धनमा आन्तरिकतर्फ १५ रुपैयाँ तथा अन्तर्राष्ट्रिय उडानतर्फ २९ रुपैयाँ १४ पैसा नाफा छ । ग्यासमा प्रति सिलिण्डर २ सय ८ रुपैयाँ ३० पैसा नाफा रहेको निगमले जनाएको छ ।  अन्तर्राष्ट्रिय बजारमा पेट्रोलियम पदार्थको मूल्य लगातार बढिरहेको छ ।

तेल उत्पादन गर्ने मुलुकहरुले उत्पादनमा कटौती गर्दा त्यसको प्रभाव अन्तर्राष्ट्रिय बजारसँगै नेपालमा पनि देखिएको छ । स्थानीय बजारमा इन्धनको मूल्य अझै बढ्ने सम्भावना रहेको जानकारहरु बताउँछन् । अन्तर्राष्ट्रिय बजारमा कच्चा तेलको मूल्य प्रति व्यारेल ६८ डलर हाराहारीमा पुगेको छ । 

Comments