• Radio Himshikhar
  • kankai Bikash Bank
News Updates
  • इलामको पूर्वी भारतीय सिमामा सशस्त्र प्रहरी परिचालन हुने, आपराधिक गतिविधि नियन्त्रण गर्ने उदेश्य
  • जलवायू परिवर्तन निराकरणका उपायहरू खोज्न विज्ञहरुलाई राष्ट्रपति विद्यादेवी भण्डारीको सुझाब
  • अमेरिकी सर्वाेच्च अदालतको न्यायाधीशमा ब्रेट क्याभानो नियुक्त
  • देशमा संविधान भन्दा ठूलो शक्ति नभएको पूर्वसभामुख सुवासचन्द्र नेम्वाङको भनाइ
  • जनयुद्धकालमा विस्थापित सप्तरीका छोटी भन्सार पुर्नस्थापना भएनन्, तस्करी बढ्यो
स्वास्थ्य
जिल्ला अस्पताल संखुवासभामा चिसोका कारण बिरामीको चाप उच्च
प्रकाशित मिति: बिहीबार, पौष २०, २०७४

संखुवासभा । संखुवासभामा चिसो बढेसँगै रुघाखोकी र ज्वरोका बिरामीको संख्यामा बृद्धि हुन थालेको छ । जिल्ला अस्पताल खाँदबारीमा चिसोका कारण बिरामीको चाप बढेको छ । एकसाता देखि दैनिक करिब १ सय ५० जना बिरामी उपचारका लागि आउने गरेको अस्पतालले जनाएको छ ।

चिसो ह्वातै बढेका कारण अस्पतालमा निमोनिया, रुघाखोकी, छाला र दमका विरामी बढेको पाइएको छ । जिल्लाका अन्य स्वास्थ्य चौकीहरुमा पनि बिरामीको चाप बढेको छ । 

बिशेष गरी जिल्लाको उत्तरी क्षेत्र किमाथांका, हटिया, मकालु र चेपुवाको तापक्रम सून्य डिग्रीसम्म झर्ने भएकाले चिसोका बिरामी बढी देखिएको हो । चिसोले दीर्घरोगी, रक्तचाप भएका तथा बालबालिका र वृद्धवृद्धालाई धेरै असर गरेको पाइएको छ ।

रुघाखोकी र ज्वरोका बिरामीलाई विशेष सावधानी अपनाउन चिकित्सकले सल्लाह दिएका छन् । ग्रामीण भेगमा स्वस्थ खानेकुरा र पानीको अभावसँगै बस्ने ठाउँ पनि न्यानो नहुँदा चिसोका बिरामी बढी हुने गरेको पाईएको छ । जाडो मौषममा आगो ताप्न, तातो झोल कुरा खान, उमालेको पानी मात्र पिउन चिकित्सकले सुझाब दिएका छन् ।

Comments