• Radio Himshikhar
  • kankai Bikash Bank
News Updates
  • जुम्लामा आमरण अनसनरत डा. गोविन्द केसी काठमाडौं आउन सहमत
  • असार बितिसक्दा पनि धनकुटामा ३० प्रतिसत मात्र रोपाइ
  • सरकारले राष्ट्रिय चिकित्सा शिक्षा विधेयक २०७५ संसदबाट फिर्ता नहुने स्पष्ट
  • डाक्टर गोविन्द केसीको मागप्रति ऐकवद्धता जनाउदै चिकित्सकद्वारा देशभरकै अस्पतालमा सेवा ठप्प
  • गुफाबाट उद्धार गरिएका १२ बालक र उनीहरुका फुटबल प्रशिक्षक बुधबार अस्पतालबाट घर फर्के
स्वास्थ्य
झापामा पूर्वाञ्चल क्यान्सर अस्पतालको भवन निमार्ण शुरु
शिशिर चम्लागाँई प्रकाशित मिति: बुधबार, मंसिर २७, २०७४

मंसिर २७, झापा । झापाको विर्तामोड स्थित वि एण्ड सि टिचिङ्ग अस्पताल अन्तरगत  पूर्वाञ्चल क्यान्सर अस्पतालको अत्याधुनिक भवन निर्माण कार्य शुरु भएको छ । आज वि एण्ड सि अस्पतालले पत्रकार सम्मेलन आयोजना गरी भवन निर्माण कार्यको प्रारम्भ गरेको हो ।

करिव २ अरब ५० करोडको लागानीमा अस्पतालको भवन निमार्ण सम्पन्न हुने र ६ महिना पछि क्यान्सरका विरामीले विर्तामोडमै उपचार गर्न पाउने बताईएको छ । पूर्वमा क्यान्सर अस्पताल नभएको कारण धेरैले अकालमै जीवन गुमाउनु परेको र उपचारका लागि भारतको विभिन्न अस्पतालमा महंगो उपचार गर्नु पर्ने तथा नेपालमा पनि चितवन तथा काठमाण्डौ जानु पर्ने समस्याको अन्त्य गर्न सुदुर झापामा अस्पताल बनाइएको अस्पतालका कार्यकारी निर्देशक दुर्गा प्रसाईले बाताउनु भयो ।

७० देखि ८० प्रतिशत क्यान्सरहरुमा रेडिएसन चाहिने र अस्पतालमा ल्याईने मेशिनले फोकस रेडिएसन दिने भएकाले पुराने मेशिनले जस्तो साईट इफेक्ट नगर्ने क्यान्सर रोड विशेषज्ञ डा.विरेन्द्र यादवले बताउनु भयो ।

उहाँले क्यान्सर क्रोनिक डिजिज भएकोले क्यान्सर लागेपछि मानिसको मृत्यू भईहाल्छ भन्ने पुरानो मान्यतामा नरहन सबैलाई अग्रह गर्दै अस्पतालमा ल्याईने मेशिन नेपालमै पहिलो र अत्याधुनिक रहेकोले ढुक्क भएर उपचार गर्न सकिने बताउनु भयो । 

Comments