ताप्लेजुङ्ग ४ मंसिर । नेकपा एमालेका सचिव योगेश भट्टराईले वामपन्थी सरकार गठनपछि नेपालमा उत्पादित अलैंचीको निर्यात चीनतर्फ गरिने बताउनुभएको छ ।
चुनावी अभियानमा रहनुभएका भट्टराईले नेपालमा उत्पादित अलैंची चीनतर्फ निकासी गरिने बताउनुभएको हो । वहाले अलैंची बिक्री नभएर चिन्तित बनेको किसानलाई आश्वस्त पार्दै अब बन्ने वामपन्थी गठबन्धनको सरकारले किसानका सबै समस्या समाधान गर्ने दाबी गर्नुभयो ।
विकास र जनताको दुख बुभ्mन नै एमाले र माओवादी केन्द्र विचबाम गठबन्धन भएको वहाको भनाइ थियो । ताप्लेजुङबाट प्रतिनिधि सभाका उम्मेदवार समेत रहनुभएका भट्टराईले नेपाली कांग्रेसले वामपन्थी गठबन्धनविरुद्ध फिंजाएका हल्लाका पछाडि नलाग्न मतदाताहरुलाई आग्रह गर्नुभयो ।
ताप्लेजुङका राजनितिक दलहरु चुनावको मिती नजिकिए सँगै गाउँ अभियान सकि सहर र नगर केन्द्रित अभियानमा जुटेका छन् । ताप्लेजुङमा पहिलो चरण अन्तर्गत मंसिर १० गते प्रदेश र प्रतिनिधि सभाको चुनाव हुँदैछ ।
