• Radio Himshikhar
  • kankai Bikash Bank
News Updates
  • इलामको गोलाखर्कस्थित एक बाल अनाथलय संकटमा÷ स्रोत र आवास भवनको अभाव
  • पूर्वी नाकामा भन्सारद्वारा चेकजाँचमा कडाई÷चोरी पैठारी घटेको भन्सार प्रमुखको दावी
  • ओखलढुंगाको सिद्धिचरण नगरपालिकाका अधिकांश वडा बर्षौदेखि विद्युत बिहिन
  • झापाको एक विद्यायमा अनौठो संयोग एउटै विद्यालयमा १० जोडी जुम्ल्याहा विद्यार्थी÷शिक्षकलाई छुट्टयाउनै हम्मे हम्मे
  • भोजपुरका किसान व्यावसायिक किवी खेती तर्फ आर्कषित
राष्ट्रिय
अपडेट: बस दुर्घटना घाईते तीन जनाको मृत्यु
प्रकाशित मिति: आइतबार, कार्तिक २६, २०७४

कैलाली,२६ कार्तिक ।  कैलालीमा शनिबार राती भएका छुट्टाछुट्टै चार वटा दुर्घटनामा ६ जनाको मृत्यु भएको छ भने २४ जना घाइते भएका छन् ।

कैलालीको चुरे गाउँपालिका–३ धपेनी भन्ने स्थानमा यात्रुवाहक बस दुर्घटना हुँदा तीन जनाको मृत्यु भएको छ । दुर्घटनामा अन्य २४ जना घाइते भएका छन् ।

बैतडीको मेलौलीबाट कन्चनपुरको भीमदत्तनगर जाँदै गरेको पवनदूत यातायातको ना. ७ ख २७२३ नम्बरको बस सडकबाट तल खस्दा दुर्घटना भएको हो ।

दुर्घटनामा घाइते भएका २७ जनामध्ये तीन जनाको उपचारका लागि लैजाने क्रममा मृत्यु भएको इलाका प्रहरी कार्यालय खानीडाँडाका प्रहरी निरीक्षक दानबहादुर रोकायाले जानकारी दिए ।

घाईते मध्ये १५ जनाको अवस्था गम्भीर रहेको प्रहरीले जनाएको छ ।

यसैगरी पूर्वपश्चिम राजमार्गअन्तर्गत गौरीगंगा नगरपालिकामा से १ प १७०२ नम्बरको जिपले से ४ प ७५२७ नम्बरको मोटरसाइकललाई ठक्कर दिँदा मोटरसाइकल चालक प्रहरी हवल्दार गजेन्द्रसिंह ठगुन्नाको मृत्यु भएको क्षेत्रीय ट्राफिक प्रहरी कार्यालय अत्तरियाले जानकारी दिएको छ ।

यसैगरी कैलालीकै गोदावरी नगरपालिको गोदावरी भन्ने स्थानमा मोटरसाइकल दुर्घटनामा परी बाजुराकी ३५ वर्षीया ललिता जोशीको मृत्यु भएको छ ।

यस्तै जानकी गाउँपालिकाको वडा नं. ५ पथरैयामा से १ त ९२५३ नम्बरको ट्याक्टर पल्टिँदा चालक प्रदीप चौधरीको मृत्यु भएको प्रहरीले जनाएको छ

Comments