• Radio Himshikhar
  • kankai Bikash Bank
News Updates
  • अमेरिकाका विभिन्न राज्यमा हिमआँधी, ३ जनाको मृत्यु, लाखौं मानिस प्रभावित
  • नेपाली कांग्रेसको महासमिति वैठक आगामी २९ गते शनिबारदेखि हुने, सम्पूर्ण तयारी पुरा
  • झापाको दमकमा सवारी दुर्घटना, २ जनाको मृत्यु, मृतक दुबै एकै परिवारका
  • प्रधानमन्त्री केपी शर्मा ओली अचानक अस्पताल भर्ना, स्वास्थ्यमा आकस्मिक समस्या
  • २ नम्बर प्रदेशको नाम मधेश प्रदेश र राजधानी जनकपुर हुनुपर्छ : संयोजक महतो
राष्ट्रिय
बिर्तामोडमा पूर्वाञ्चल स्वास्थ्य महोत्सव हुने
प्रकाशित मिति: बिहीबार, कार्तिक २३, २०७४

बिर्तामोड २३ कार्तिक । झापाको बिर्तामोडमा पूर्वाञ्चल स्वास्थ्य महोत्सव हुने भएको छ ।  आगामी मंसिर २ गतेदेखी ६ दिन सम्म महोत्सव सञ्चालन हुने आयोजक बिएण्डसी हस्पिटलले आज पत्रकार सम्मेलन गरी जानकारी गराएको हो ।

बिर्तामोडमा सञ्चालित बिएण्डसी हस्पिटलमा हुने महोत्सवको एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहालले संयुक्तरुपमा उद्घाटन गर्ने कार्यक्रम रहेको बताइएको छ । महोत्सवबाट पूर्वका दश हजार सर्वसाधारणले लाभ लिने अपेक्षा गरिएको अस्पतालका कार्यकारी निर्देशक दुर्गा प्रसाईले जानकारी दिनुभयो ।

महोत्सव अवधीभर प्रदान गरिने सेवाहरु सिटी स्क्यान, एमआरआई र रेडियोलोजी सेवामा १५ प्रतिशत, ल्याव टेस्टमा २० प्रतिशत, शल्यक्रियामा २० प्रतिशत, औषधीमा १० प्रतिशत र ओपीडी सेवा निःशुल्क गरिएको अस्पतालका कार्यकारी निर्देशक प्रसाईले बताउनुभयो ।

महोसत्वमा स्वास्थ्य चिकित्सकसँग सम्बन्धित विज्ञ, विशेषज्ञहरुको समेत उपस्थिती रहने अस्पतालका जनसम्पर्क अधिकारी प्रमिश गिरीले जानकारी दिनुभयो ।

Comments