दमक १८ कार्तिक । कमलगाउँपालिका वडा नं. ६ स्थित लखनपुर साना किसान कृषि सहकारी संस्थाले आज जनप्रतिनिधीहरुलाई सम्मान गरेको छ ।
संस्थाको चौथो वार्षिक उत्सवका अवसरमा गाउँपालिका अध्यक्ष मेनुका काफ्ले, उपाध्यक्ष तथा संस्थाका सल्लाहकार संयोजक बेनुप्रसाद शिवाकोटी तथा साविक लखनपुरबाट निर्वाचित वडाध्यक्षहरु डम्बर निरौला, नरेन्द्र भट्टराई र पृथ्वीपती राई तथा सदस्यहरुलाई सम्मान गरिएको हो ।
गाउँपालिका अध्यक्ष काफ्लेको प्रमुख आतिथ्यमा भएको कार्यक्रममा संस्थाकी अध्यक्ष हरीमायाँ मैनालीले वार्षिक प्रतिवेदन पेश गर्नु भएको थियो । संस्थामा २ सय १५ ओटा समुहका १ हजार ३ सय ५९ जना महिला शेयर सदस्य रहेको जनाईएको छ ।
महिलाहरु मात्र आवद्ध सहकारी संस्थाले वचत तथा ऋणको कारोवारका साथै बिभिन्न आयमूलक कार्यमा महिलाहरुलाई प्रेरीत गर्दै आएको संस्थाका प्रवन्धक टंकप्रसाद पराजुलीले बताएका छन
