दमक १४ कार्तिक । पूर्व–पश्चिम राजमार्ग अन्तर्गत मोरङको बेलबारी १० मा बसको ठक्करबाट घाइते भएका पैदलयात्रीको मृत्यु भएको छ ।
पश्चिमबाट पूर्व आउदै गरेको ना ६ ख ७२१९ नंबरको बसले पैदल यात्री झापा कमल गाउपालिका–५ बस्ने ४४ वर्षीय लोकबहादुर श्रेष्ठलाई सोमबार साझ ठक्कर दिएको थियो ।
बसको ठक्करबाट गम्भीर घाइते भएका श्रेष्ठको विराटनगरस्थित न्यूरो अस्पतालमा उपचारका क्रममा आज बिहान मृत्यु भएको इलाका प्रहरी कार्यालय, बेलबारीका प्रहरी निरीक्षक रामजी कटुवालले जानकारी दिनुभयो ।
ठक्कर दिने बस र चालक बाराको सिमरा–३ घर भएका ४८ वर्षीय वीरबहादुर लामालाई प्रहरीले नियन्त्रणमा लिएको छ ।
