इनरुवा २८ असोज । क्यान्सर पीडित कल्पना राईले आर्थिक अभावका कारण उपचार गराउन कठिनाई भएको भन्दै सबैसंग सहयोगको लागि आग्रह गर्नुभएको छ ।
इनरुवा नगरपालिका वडा ४ घर भई हाल धरान १७ नमस्ते चौकमा माइति घरमा बस्दै आउनु भएकी राईले आर्थिक अभावका कारण उपचार गराउन कठिनाई भएको भन्दै सहयोगको लागि सबैसंग आग्रह गर्नुभएको हो ।
विगत ७ महिना यता भरतपुर अस्पतालमा उपचार गाराउदै आइरहेको बताउनु भयो । हासम्म ६ पटक केमो थेरापी गरिसक्नु भएकी उहाले ७ लाख आफूले र सरकारले क्यान्सर पीडितलाई दिने सहयोग १ लाख गरी ८ लाख रुपैया सकिएको बताउनुभयो । निम्न आयस्तर का कारण अब थप उपचार गर्ने रकम नहुदा समस्या भएको पीडित राईले बताउनु भयो ।
मेनोलोमा नामको क्यान्सरबाट पीडित राईले अहिले पनि हप्तामा दुई पटक किमो थेरापी गर्दा ९० हजार लाग्ने र औषधि पनि सोही बराबरको लाग्ने भएपनि आफूसंग त्यत्रो रकम नभएकोले सहयोग गरिदिन सबैसंग आग्रह गर्नुभएको हो ।
