• Radio Himshikhar
  • kankai Bikash Bank
News Updates
  • कावेली कोरीडोरमा उत्पादित विद्युतको क्षमता बढाउनका लागि नयाँ ट्रान्सफर्मर जडानको तयारी
  • रसियामा जारी विश्वकप फुटबलमा आज ब्राजिल र कोष्टारिकाबीच प्रतिस्पर्धा हुँदै
  • रुकुम पूर्वको सिस्ने गाउँपालिका ५ मा गाडी दुर्घटना हुँदा ९ जना घाईते
  • युरोप प्रवेश गर्ने गैरकानुनी आप्रवासीलाई नियन्त्रण गर्नुपर्ने इटलीको जोड
  • अमेरिकी राष्ट्रपति ट्रम्पद्वारा आप्रवासी नीतिमा फेरबदल, परिवारदेखि बच्चा अलग गराउने नीतिको सर्वत्र आलोचना पछि निर्णय फिता
मोफसल समाचार
दमक उद्योग वाणिज्य संघले गर्यो १ लाख मूल्य बराबरको सहयोग
प्रकाशित मिति: बिहीबार, आश्विन २६, २०७४

दमक २६ असोज ।  मोरङको उर्लाबारीस्थित नमुना बाल गृहलाई दमक उद्योग वाणिज्य संघले आज १ लाख मूल्य बराबरको विभिन्न राहत सामाग्रीहरु हस्तान्तरण गरेको छ ।

संघले बालगृहमा नै पुगेर खाद्य,औषधीसहित लत्ताकपडाहरु वितरण गरेको हो । तिहारलगायतका चाडपर्वमा बाल गृहका बालबालिकाहरुलाई सहयोग पु¥याँउने उद्देश्यले दाल ,चामल, तेल, नुन, मैदा, चाउचाउ, विस्कुट ,औषधी र लत्ताकपडाहरु प्रदान गरिएको दमक उद्योग वाणिज्य संघका अध्यक्ष राजेन्द्र ढकालले जानकारी दिनुभयो ।

ती सहयोग सामाग्रीहरु दमक नगरपालिकाका उपप्रमुख गिता अधिकारी, संघका अध्यक्ष ढकाललगायतले बालगृहकी अध्यक्ष मिना बराललाई हस्तान्तरण गर्नुभएको थियो । सहयोग हस्तान्तरण कार्यक्रममा नगर उपप्रमुख अधिकारीले बालगृहमा आश्रित बालबालिकालाई संरक्षित गरेर बालगृहले उदाहरणीय सामाजिक कार्य गरेको चर्चा गर्नुभयो ।

उहाँले नगरपालिकाले बालगृहको रचनात्मक कार्यमा भविष्यमा सहयोग जुटाउने प्रतिवद्धता जनाउनुभयो । कार्यक्रममा संघका अध्यक्ष ढकालले संघले व्यवसायीक हितसंगै सामाजिक कार्यमा समेत आफनो भूमिकालाई थप सक्रिय बनाउदै लैजाने बताउनुभएको थियो ।

उहाँले वालगृहको थप भवन निर्माणका लागि संघका तर्फबाट रु १ लाख सहयोग पु¥याँउने प्रतिवद्धता जनाउनुभयो । राहत हस्तान्तरण कार्यक्रममा बालगृहकी अध्यक्ष बरालले आश्रित बालबालिकाहरुको दैनिक व्यवस्थापनमा सरकारी क्षेत्रबाट सहयोग प्राप्त हुन नसकेको गुनासो गर्नुभयो । बालगृहमा अहिले ४६ जना बालबालिकाहरु आश्रित छन् ।

राहत हस्तान्तरण कार्यक्रममा संघका वरिष्ठ उपाध्यक्ष बिमल खतिवडाले स्वागत मन्तव्य राख्नुभएको थियो भने सञ्चालन सदस्य राजन दंगालले गर्नुभएको थियो ।

 

Comments