• Radio Himshikhar
  • kankai Bikash Bank
News Updates
  • कावेली कोरीडोरमा उत्पादित विद्युतको क्षमता बढाउनका लागि नयाँ ट्रान्सफर्मर जडानको तयारी
  • रसियामा जारी विश्वकप फुटबलमा आज ब्राजिल र कोष्टारिकाबीच प्रतिस्पर्धा हुँदै
  • रुकुम पूर्वको सिस्ने गाउँपालिका ५ मा गाडी दुर्घटना हुँदा ९ जना घाईते
  • युरोप प्रवेश गर्ने गैरकानुनी आप्रवासीलाई नियन्त्रण गर्नुपर्ने इटलीको जोड
  • अमेरिकी राष्ट्रपति ट्रम्पद्वारा आप्रवासी नीतिमा फेरबदल, परिवारदेखि बच्चा अलग गराउने नीतिको सर्वत्र आलोचना पछि निर्णय फिता
बिजनेस
इलाममा पुवाखोला १ हाइड्रो पावरबाट विद्युत उत्पादन सुरु
प्रकाशित मिति: बुधबार, आश्विन २५, २०७४

इलाम २५ असोज । इलाम नगरपालिका र देउमाइ नगरपालिका क्षेत्रमा रहेको पुवाखोलाबाट उत्पादित पुवाखोला १ हाइड्रो पावरले विद्युत उत्पादन सुरु गरेको छ । 

४ मेगावाट क्षमताको सो जलविद्युत आयोजनाले गत असोज ६ गतेबाट विद्युत परिक्षण उत्पादन सुरु गरेको हो । हाल सो आयोजनाको बालनगाउँ बेँसीमा रहेको पावरहाउसबाट २ दशमलब ८ मेगावाट विद्युत उत्पादन भइ काबेली कोरिडोर अन्तर्गत गोदकस्थित सबस्टेसन मार्फत राष्ट्रिय प्रशारण लाइनमा जोडिएको छ ।

२ करोड रुपैयाँ लगानीमा निर्माण भएको हाइड्रो पावरको निर्माणको काम पुरा भइसकेको प्रवद्र्धक कदम केसीले बताउनुभयो । इन्टेक, पावरहाउस र अन्य केहि स्थानमा निर्माण सम्पन्न गरि परीक्षण विद्युत उत्पादन थालिएको हो ।

पुवाखोलाको पानीलाई सदुपयोग गरी विद्युत उत्पादनका लागि आयोजनाले शान्तिडाँडा बेँसीमा इन्टेक निर्माण गरि लामो पाइपलाइनबाट पावरहाउससम्म पानी पु¥याएको छ । १०८ मिटर हेड रहेको पेनस्टक पाइपबाट पावरहाउसमा विद्युत उत्पादन गरिएको हो ।

पावरहाउसदेखि उत्पादित विद्युतलाई गोदकको सबस्टेसनसम्म ल्याएर राष्ट्रिय प्रसारणमा जोड्नका लागि साढे ६ किलोमिटर प्रसारण लाइन निर्माण गरि केन्द्रिय प्रशारण लाइनमा जोडिएको छ ।

२०७२ बैशाखदेखी शुरु भई २०७३ पुष महिनामा नै निर्माण सम्पन्न गर्ने लक्ष्य लिएको आयोजनाको जग्गा विवाद र प्रसारण लाइन निर्माण ढिलाइका कारण असोजमा मात्र निर्माण सम्पन्न भएको हो । पुवाखोला १ हाइड्रो पावर कम्पनीको प्रवद्र्धनमा सम्पन्न आयोजनाको लागि सिदार्थ बैङ्क र सिटिजन बैङ्कले लगानी गरेका छन् । 

Comments