• Radio Himshikhar
  • kankai Bikash Bank
News Updates
  • मेक्सिकोमा शक्तिशाली भूकम्पमा परि २ सय ४८ जनाको मृत्यु , उद्धारकार्य जारी ।
  • आज स्वर सम्राट नारायण गोपालको ८० औं जन्म जयन्ती,बिभिन्न कार्यक्रम गरि मनाइदै
  • सप्तरीमा दुई ठाउँमा राजपाको प्यानलै बिजयी
  • वीरगन्ज महानगरपालिकामा राजपा २७३ मतले अगाडी
  • अभिमुखीकरण तालिम लिन काठमाडौ जानु नपर्ने
राष्ट्रिय
२ सय ४० निर्वाचन क्षेत्र कायम गरेर चुनावमा जाने सम्भावना छैन :उपप्रधानमन्त्री महरा
प्रकाशित मिति: शनिबार, आषाढ ३१, २०७४

दाङ ३१ असार । उपप्रधान एंव परराष्ट्रमन्त्री कृष्णबहादुर महराले अहिले चर्चामा आएको २ सय ४० निर्वाचन क्षेत्र कायम गरेर चुनावमा जाने सम्भावना नभएको बताउनु भएको छ ।

प्रेस सेन्टरले आज बिहान दाङको घोराहीमा आयोजना गरेको पत्रकार सम्मेलनमा बोल्दै उहाँले २ सय ४० निर्वाचन क्षेत्र मानेर जानु संविधानको मर्म बिपरित हुने बताउनुभयो ।

अहिले चर्चामा रहेजस्तो कांग्रेस र माओवादी केन्द्रबिच यो बिषयमा कुनै सहमति नभएको र यो बिषयमा सहमति पनि हुन नसक्ने बताउनुभयो ।

संविधानको कार्यान्वयन दिने, पुनर्निर्माणलाई तिव्रता दिने र सुशासन कायम गरी आर्थिक वृद्धि गर्ने सरकारका मुख्य प्राथमिकता भएको भन्दै मन्त्री महराले यीनै कुरालाई प्राथमिकतामा राखेर सरकार अघि बढेको बताउनुभयो ।

आगामी माघ ७ गतेभित्र तीनै तहको चुनाव गर्ने कार्यमा सरकार लागेको बताउनुभयो । मधेसी दलहरुलाई चुनावमा ल्याउनका लागि संविधानको संशोधन गर्नु परेको महराको भनाई छ । 

Comments