• Radio Himshikhar
  • kankai Bikash Bank
News Updates
  • मनगणना कार्य अन्तिम चरणमा,१२५ स्थानको मतपरिणाम सार्वजनिक
  • दशैंको चौथो दिन, कुष्माण्डा माताको पूजा आराधना गरिं मनाईदै
  • सप्तरीको पुरानो सदरमुकाम हनुमानगरमा राजपा बिजयी
  • रुपन्देहीमा पहिरोले ट्रक र कार पुर्दा तीन जनाको मृत्यु
  • गोर्खामा हिरासतबाट तीन जना थुनुवा फरार
खेलकुद
आइसिसी विश्व क्रिकेट लिग च्याम्पियसिप अन्तर्गत नेपालको दोस्रो विकेट गयो, सागर आउट
प्रकाशित मिति: सोमबार, फाल्गुण ३०, २०७३

काठमाडौं, ३० फाल्गुण । आइसिसी विश्व क्रिकेट लिग च्याम्पियसिप अन्तर्गत सोमबार भएको केन्यासँगको खेलमा नेपालले १ सय ५६ रनको लक्ष्य पाएको छ ।

नेपालको दोस्रो विकेट गयो । सागर पुन आउट भएका छन् । यसअघि सुनिल धमला १ रन बनाएर आउट भए । ब्याटिङमा ज्ञानेन्द्र र दिपेन्द्र छन् । टस हारेर पहिले ब्याटिङ गरेको केन्याले ४६ दशमलव १ ओभरमा सबै विकेट गुमाएर एक सय ५५ रन बनाएको हो ।  नेपालका शरद भेषावकरले चार तथा मेहबुब आलम र बसन्त रेग्मीले दुई दुई विकेट लिए । यस्तै सागर पुन र सन्दिप लामिछानेले एक एक विकेट लिएका थिए । केन्याका लागि कोलिन्स ओबुयाले ४८, इरफान कारिमले ३८ तथा रकिप पटेलले २१ रन बनाए ।  

शनिबार ५ विकेटले पराजित हुँदै २ अंक गुमाएको नेपाल सोमबार फेरि केन्यासँग खेलिरहेको हो । सोमबार मौसम सफा भएकाले ५० ओभरकै खेल हुनेछ । सोमबार पनि नियमित कप्तान पारस खड्का खेलको छैनन् । नेपाली टोली ज्ञानेन्द्र मल्लको कप्तानीमा मैदानमा छ । केही दिन अघि पेटको शल्यक्रिया गरेका पारसको स्वास्थ्य अवस्था पूर्णतया फिट भइनसकेकाले केन्यासँगको पहिलो खेलमा पनि उनी खेलेका थिएनन् । शनिबारको खेल हारेपछि प्रतियोगिताको शीर्ष ४ मा रहने गणितीय सम्भावना मात्र बाँकी छ । 

Comments