• Radio Himshikhar
  • kankai Bikash Bank
News Updates
  • अस्पतालमा बिरामीको मृत्यु भएपछि मृतकका आफन्तले दमक प्रहरीमा निवेदन
  • सप्तरीमा काँग्रेस १० वडा, एमाले ६ र नेपाल लोकतान्त्रिक फोरमल ४ वडामा बिजयी
  • बिर्तामोडमा अतिक्रमण गरि बनाइएका संरचना भत्काउन सुरु
  • मेक्सिकोमा शक्तिशाली भूकम्पमा परि २ सय ४८ जनाको मृत्यु , उद्धारकार्य जारी ।
  • आज स्वर सम्राट नारायण गोपालको ८० औं जन्म जयन्ती,बिभिन्न कार्यक्रम गरि मनाइदै
बिजनेस
भारु साट्ने विषयमा आगामी एक साताभित्र भारत सरकारसित निर्णायक वार्ता हुने
प्रकाशित मिति: शनिबार, माघ २२, २०७३

नेपालीसित मौज्दात भारु ५ सय र १ हजारका नोट साट्ने विषयमा आगामी एक साताभित्र भारत सरकारसित निर्णायक वार्ता हुने भएको छ । 

केहीअघि भारत सरकारले प्रतिवन्ध लगाएको यी नोट नेपालीसित पनि निकै रहेको र सटही नहुँदा आर्थिक समस्यासमेत थोपरिएको छ । भारु सटही बारे एक हप्ताभित्र टुंगो लगाउने प्रयास आफूले गरिरहेको नयाँ दिल्लीस्थित नेपाली राजदूत दीपकुमार उपाध्यायले बताउनुभएको छ ।

नेपालमा रहेको भारु नोट साट्दा कालो धन भित्रिने हो कि भन्ने आशंका भारतीय अधिकारीहरुमा रहेको उहाको भनाइ छ । भारत सरकारले नोट सटहीका लागि तय गरेको समयसीमा नाघिसकिएको छ । तर नेपालको राष्ट्रिय ढुकुटीमा रहेका प्रतिबन्धित भारु नोटसमेत जस्ताको तस्तै छन् साटिएको छैन ।

यी नोट साट्ने समयसीमा सकिएको महिना बितिसकेको छ । तर भारत सरकारले नेपालमा रहेका नोट साटिने वा नसाटिने बारेमा कुनै जवाफ दिएको छैन । पटकपटक पत्राचार गर्दा समेत जवाफ नपाएपछि नेपाल राष्ट्र बैंकका प्रतिनिधि मण्डल भारत पुगेका थिए ।

तर स्पष्ट जवाफ नपाइ फर्किएका थिए । राष्ट्र बैंकको पहल असफल भएपछि नेपाली दूतावासले नोट सटहीको लागि अग्रसरता लिइरहेको छ । नेपालको ब्याङ्किङ प्रणालीमा करिब साढे तीन करोड रुपैयाँ जति भारु ५ सय र १ हजार दरका नोट रहेको तथ्याङ्क राष्ट्र ब्याङ्कसँग छ । भारतबाट निजी व्यवसाय र रोजगारीको क्रममा भित्रिने भारु यो भन्दा निकै ठूलो परिमाणमा रहेको अनुमान छ ।

Comments