• पर्दाफास कालो कर्तुतको, जहा अत्याचार, त्याहा खबरदार  सत्य ओकल्ने हाम्रो प्रयास  निरन्तर मोफशलबाट खबरदारी  फोकश न्युज ।
  • Radio Himshikhar
News Updates
  • झापाको दमकमा १२ हजार बढी बालबालिकाले लगाए कोरोना विरुद्धको खोप
  • आज सुनको मूल्य घट्यो, तोलामा २ सयले घटेर ९२ हजार ५ सय रुपैया“मा कारोबार ।
  • आज विश्व क्यान्सर दिवस, क्यान्सरको उपचारमा पहुचको दूरीलाई बन्द गरौ’ भन्ने नाराका साथ दिवस मनाइदै ।
  • सोलुखुम्बुको सल्लेरी लगायतका क्षेत्रमा भारी हिमपात, सडक सञ्जाल ठप्प ।
  • काठमाण्डौ उपत्यकासहित देशभर बर्षा, पहाडी तथा हिमाली भेगका केही ठाउमा हिमपात
मोफसल समाचार
लखनपुरका विशाल खड्काकाे हत्या आरोपी पक्राउ : यसरी गरीयाे हत्या
प्रकाशित मिति: मंगलबार, माघ ४, २०७३

 रामेछाप ४ माघ /  जिल्ला प्रहरी कार्यालय रामेछापले झापाको लखनपुर–१ का विशाल खड्कालाई हत्या गरेको आरोपमा दुई जनालाई पक्राउ गरेको छ । 
पक्राउ पर्नेमा तेहथुम पौठाक–४ डाडागाउका २६ वर्षे मनकुमार लिम्बु र रसुवाको सरनथली–३ की १८ वर्षे बिन्दु तामाङ छन् ।  उनीहरुलाई झापाबाट माघ २ गते रामेछाप प्रहरीले पक्राउ गरेको हो । गत मंसिर ९ गते झापाको लखनपुर–१ का विशाल खड्कालाई रामेछापको मझुवा गाविस–१ निगलपानी भन्ने ठाउमा ल्याएर गोली हानी हत्या गरी मृतक खडकाकै मे १ ज २१८७ नम्बरको टाटासुमो भित्र राखेर आगो लगाइएको थियो ।

अभियुक्तहरुले चालकलाई गाडीभित्रै आगो लगाएर हत्या गरेको कुरा प्रहरीसँगको बयानमा स्विकार गरिसकेको जिल्ला प्रहरी कार्यालय रामेछापका प्रहरी नायव उपरीक्षक कुमोध ढुंगेलले जानकारी दिनुभयो ।  यस घटनामा उनीहरु मात्र नभएर अर्का एकजना समेत रहेको प्रहरीले जनाएको छ ।

प्रहरीले पहिचान गरेका ती व्यक्ति भने फरार रहेको र उनको खोजीकार्य तिव्ररुपमा भइरहेको प्रहरीले जनाएको छ । यस घटनाको अनुसन्धानको लागि जिल्ला प्रहरी कार्यालय रामेछापका प्रहरी नायव उपरीक्षक कुमोध ढुगेलको नेतृत्वमा प्रहरी टोली खटिएको थियो । टोलीले लगातार गरेको अनुसन्धानको क्रममा मुख्य योजनाकार रामेछापकै एक व्यक्ति रहेको प्रहरीले जनाएको छ ।
 

Comments